اربع بنات
في ليلة من ليالي الشتاء كانت سلطانة بتتألم وتعيط وتصرخ من وجع الولادة لحد ما فاق الكل على صوت صريخ طفلة صغيرة جميلة وبعدها فقدت الوعي
الداية طلعت من الأوضة وهي بتزغرط وفرحانة بنت جابت بنت كيف القشطة
محروس قال بشماتة بنت تاني الله يكون في عونك ياخويا قصدي رابع وضحك ودخل أوضته من غير حتى ما يبارك لأخوه
وسيدة قالت وهي بترمي كلامها بسم قاطع قال يمخلف البنات يشيل الهم للممات مبروك يا ابني تتربى في عزك هي وأخواتها ودخلت هي كمان أوضتها
رفعت شال بنته الصغيرة اللي كانت زي القمر وبناته التلاتة واقفين حواليه
شوفوا أختكم جميلة إزاي زي البدر المنور
شمس قالت وهي الكبيرة عندها سبع سنين جميلة أوي يا بوي وشبه أمي أوي
مش هنطمن على ماما ولا إيه
روح اللي عندها خمس سنين قالت اسمها هيكون إيه يا بوي شكلها جميل أوي
قمر الصغيرة عندها أربع سنين قالت نسميها حور يا بابا عشان نبقى شمس قمر حور روح
رفعت ابتسم وقال هيكون اسمها حور وخدهم كلهم وراح يطمن على سلطانة
سلطانة قالت له بدموع في عينيها صح والله ياخويا نفسي أجيبلك الولد نفسي بس دي حكمة ربنا
وعلى فكرة البنات طيبين أوي وحبايب أبوهم
رفعت قال له دول نور عين أبوهم في حد يقول لا لنعمة ربنا
دول رزق يا سلطانة
هخلي بدريه تعملك شوربة خضار تشد عضمك وخرج
سلطانة نادت على بنتها
قربي أختك يا شمس أرضعيها
ما نمتوش ليه لحد دلوقتي انتو لسه صغيرين
شمس قالت كنا عايزين نطمن عليكي يا ما صوتك كان جايب آخر البلد
وستي وعمي نكدوا على أبويا جوي
سلطانة بصت لفوق وقالت يارب ماليش غيرك حنن قلبهم على عيالي
لو حصلي حاجة أنا ولا جوزي مفيش غيرهم
وعدى شهرين وبدأت سلطانة تشتغل في البيت زي زمان
وفي يوم دخلت روح وهي بتعيط
يماما بدر ضربني وشتمني
سلطانة قالت لسمر
شوفي ابنك يا سمر البت هتموت من العياط ملوش يضربها
سمر ردت بشماتة
أخوها يكسر رقبتها وهي أصلا مش ليها إخوات ولاد
جيبي ليهم ولد بدل خلفة البنات بنات وابني راجل
الدور والباقي على بنتك
سلطانة قالت لها
بنتي لسه صغيرة يا سمر ولما ييجي رفعت ليا كلام معاه
سيدة قالت بسخرية
وهتقولي له إيه يا بنت البواب
اللي زيك راسه في الطين وانتي مخلفة لحد دلوقتي أربع بنات
أنا لما ييجي ابني هخليه يتجوز عليكي
أنا عايزة أشوف ابن لي
سلطانة بحزن قالت
اللي تشوفيه يا يما
أنا خلصت كل حاجة في الدوار
هاخد بناتي ونقعد في أوضتي لحد ما جوزي يرجع من الغيط
وخدت سلطانة بناتها وقعدوا
ولما رجع رفعت لقى أمه مسخنة الدنيا عليه
رفعت بغضب قال
جرا إيه يا سلطانة هي أمي عيلة معاكي يا بنت مسعود
وبناتك اللي مش عرفتي تربيهم بيردوا على مرات عمهم وستهم
روح مردتش عليهم وقالت
بدر ضربني وجيت قلت لماما وماما قالت لمرات عمي
رفعت قال
ويكسر نفوخك
وبكرة هتجوز يا سلطانة وأجيب الواد اللي يحكم البنات دول بدل خلفة البنات اللي جبتها
وفعلا اتجوز رفعت وكانت أسود أيام حياته بيعيشها
وبعد شهر مراته الجديدة حملت وكانوا فرحانين
كانت ما بتحملش
وبعد تلات شهور عرفت سلطانة إنها حامل
واتصدمت
إزاي وهي بنتها لسه ما كملتش خمس شهور
إزاي تحمل تاني
البيت كله عرف وضحكوا عليها
سيدة قالت بشماتة
إيه يا مرات ابني غيرانة ولا إيه
ما تخافيش هتكون بنت زي كل مرة
فردوس قالت
الحمل يا يما تعبني أوي مش قادرة
أصله ولد
رحت كشفت مع أمي عند الحكيمة قالتلي ولد وشكلهم اتنين
سيدة زغردت وقالت
لولولوي يا ألف نهار أبيض يا ألف نهار مبروك
فردوس قالت
الله يبارك فيكي يا يما
بس مش هقدر أعمل شغل في البيت عشان تعبانة
سيدة وده ينفع برضه
سلطانة هتقوم بالواجب وكمان مرات محروس حامل وهتريح هي كمان أصل حملها متعب
سلطانة قالت بوجع بس أنا
