علاقه
“مدحت… كان عايزك تنزلي البيبي.”
اتجمدت مكاني.
“إيه؟”
طلعت من الفولدر ورقة مطوية. روشتة. عليها اسم دكتور مشهور في مدينة نصر… وتاريخ قديم، قبل ولادتي بشهرين.
حسيت الدنيا بتميل بيا.
“هو كان بيعمل إيه؟!”
سارة قالت بأسنان مطبقة من الغضب: “كان بيدور على أي طريقة يخلص من الحمل من غير ما يبان قدامك إنه وحش… كان مستني الدكتور يقنعك إن الطفل حياته هتبقى عذاب.”
دموعي نزلت من غير صوت.
افتكرت فجأة يوم الدكتور قعد يكرر عليا:
> “لسه قدامك وقت تفكري… التربية هتبقى صعبة…”
وقتها افتكرت إنه بينصحني. دلوقتي لأول مرة فهمت ليه كان بيضغط عليا بالشكل ده.
أنا همست: “يعني… مدحت كان عارف إن ابنه عنده داون… وبدل ما يقف جنبي… كان بيحاول يمـ,ـوته؟”
سارة مردتش. بس عينيها قالت كل حاجة.
وفجأة… مروان صحي.
فتح عينيه الصغيرين، وبصلي… وابتسم. الابتسامة اللي كانت كل مرة بتنقـ,ـذني من الغرق.
سارة حـ,ـضنته أكتر وقالت: “الطفل ده ربنا نجّاه بإيده.”
في اللحظة دي… سمعنا خبط جامد على الباب.
أنا وسارة بصينا لبعض بخوف.
الخبط زاد. وصوت مدحت جه من برا:
“منى! افتحي… أنا عارف إن سارة عندك!”
سارة قامت ببطء… ومسحت دموعها بإيد ثابتة بشكل مرعب.
وقالت لي: “متفتحيش.”
لكن مدحت بدأ يخبط بعنف: “قسماً بالله لو مفتحتوش الباب هكسـ,ـره!”
مروان بدأ يعيط من الصوت.
أنا حـ,ـضنته بسرعة وجسمي كله بيرتعش.
وفجأة… سارة طلعت موبايلها، وضغطت على زر التسجيل، وبعدين بصتلي وقالت:
“افتحي.”
بصتلها بصدمة: “إنتِ مجنونة؟!”
قالت بنبرة باردة: “لا… بس هو طول عمره فاكر إن الستات بتخاف منه.”
وراحت ناحية الباب بنفسها وفتحته.
مدحت دخل مندفع، وشه محمر وعرقان، أول ما شاف سارة واقفة قدامه اتجمد.
“إنتِ بتعملي إيه هنا؟!”
سارة ردت بهدوء: “جاية أشوف ابنك اللي كنت عايز تتخلص منه.”
مدحت بصلي بسرعة: “منى… متسمعيش كلامها… هي بتكرهني و—”
قاطعه صوت سارة وهي رافعة الورقة في وشه: “ودي؟ دي كمان كدبة؟”
لون وشه اتسحب مرة واحدة.
ولأول مرة… شفت الخوف الحقيقي في عينيه.
اتراجع خطوة وقال: “أنتوا فاهمين غلط…”
سارة ضحكت بمرارة: “غلط؟ ولا أقولهم على التسجيل؟”
مدحت اتجمد. أنا بصتلها: “تسجيل إيه؟”
سارة فتحت موبايلها… وداست تشغيل.
وفجأة… صوت مدحت ملّى الشقة:
> “أنا مش عايز الطفل ده ينزل الدنيا أصلاً… طفل داون هيبهدل مستقبلي… ولو منى رفضت، خلّوا الدكتور يخوفها بأي طريقة.”
