التلاجه
_ أي خلصتوا كلام، اقنعتك يا دكر يا راجل يا محترم؟!
_ آه يا ماما عشان أنا راجل محترم أنا إللي متكفل بحاجة بيتي من أكل
_ أنت بتستبهل، دي مش أصول، أنت عايز الناس تاكل وشنا، دي طمعانة فيك
_ ماما مريم مراتي و فرحنا بعد بكرة و دا بيتي و دا أكل بيتي هتطمع في أي بالله عليكي، و الأصول دي الإنسان اختراعها مش قانون ولا شرع لازم نمشي عليه، الأصول الحقيقية أن أنا إللي أجيب كل قشاية في البيت لأن القوامة عليا، وهما ساعدوني مشكورين خلاص مش هنحمل الناس فوق طاقتها
يا جماعة ألف شكر على إللي عملتوه، و التلاجة أنا إللي ملزوم بيها، دا بيتي و كتر خيركوا
_ خليتها تمشيك من قبل حتى الدخلة! يا فرحة أمك فيك، مهي لو كانت سكتت كانوا جابوها
_ عشان ماكنتش أخد بالي، وهي لفتت نظري، وهما فعلًا مش ملزمين يجيبوا حاجة، و أنا ماشي بكلامي و مرؤتي و قوامتي يا ماما مش بكلام مراتي
دي حياتنا و دا بيتنا و أي حاجة هتحصل فيه تخصنا خلاص
_ والله! أنت حر أنا زعلانة لي ما أنت إللي هتدفع خليهم يستغلوك كمان و كمان
_ ماشي يا أمي تسلمي إللي تشوفيه
دخلت لوالدة مريم إللي باين عليها الحزن وهي بتظبط آخر حاجة في الأوضة و أنا أخد مريم معايا
_ حقك عليا و كتر خيركوا، عملتوا إللي عليكوا و من بعد كدا عليا
_ بس يابني الأصول و الناس…
_ مش مهم الناس هتقول أي، المهم أنا شكلي قدام نفسي أي، و بعدين خلاص أنا فعلًا مقبلش أهل مراتي يتحملوا فوق طاقتهم، دا بيتي و أنا المسؤول عنه، دي حاجة ملكوش دعوة بيها، ولو حد فكر يقولك حاجة قوليله أصل مجوزة بنتي لراجل مسؤول عن بيته، مش واحد مستني أهل مراته يصرفوا عليه
العادات و التقاليد إللي كانت مساعدة في الأول اتقلبت لحق مكتسب و تنافس فظيع وضغط على الأهل، ودا طبعًا بسبب بعدنا عن الدين و عدم معرفة قواعد الشرع إللي ربنا حددها لينا عشان مفيش حد بتظلم
و في النهاية الرجال قوامون على النساء
