التلاجه
و أنا إللي أملى التلاجة لي أنا مالي، مش كفاية الفرش إللي جايبينه، كمان عايزين إحنا إللي نجيب الأكل!
_ ما دا المعروف يا حبيبتي! العروسة إللي بتملى التلاجة
و بتجيب الخزين، و الصباحية و السبوع
_ أهدوا يا جماعة، خلاص يا ماما أنا هجيب حاجة التلاجة
_ أسكت أنت عايز تتعدى الأصول، المعروف في الدنيا كلها إن العروسة إللي بتملى التلاجة و تجيب الخزين
_ لا ما أنا مخلصتش من الفرش عشان تقولوا تلاجة، هو مين إللي مسؤول عن البيت؟ مين قوام البيت!؟
كنت مذهولة من إللي بيقولوه، يعني بعد ما خلصت الفرش إللي طلع عين أهلي فيه، و الحمد لله ربنا سترها، يقولوا تلاجة و خزين؟
_خلاص يا ماما خلاص يا مريم، يا جماعة أنا إللي هجيب حاجة التلاجة، دا بيتي يا ماما و أنا إللي متكفل بيه
_ أنت عايز الناس تاكل وشي لما يعرفوا إنك أنت إللي جايب الأكل!
_ يا ماما عيب كدا، هو مش الأكل دا هيبقى في بيتي!؟
_ بقولك أي دي الأصول و البلد كلها بتعمل كدا، حاسب كدا أنا هروح أقولك لامك يا مريم، هي أكيد عرفة الأصول مش هسمع كلام عيلة وسع كدا
_ لا حضرتك مش هتكلمي أهلي ولا هتحرجيهم، لو دي الأصول فدا مش في الشرع، يكفي أهلي بيجيبوا لينا الأكل أول أسبوع، لكن مش ملزومين يجيبوا أكل بيتي أنا وجوزي، الطبيعي إن هو إللي بيجيب، هو مش ناقص غير يجوا يصرفوا علينا
_ ولما أنتوا مش قد الجهاز بتتجوزوا لي بقا!!
_ يا أمي خلاص إللي بتقوليه دا ميصحش، دا بيتي و أنا إللي ملزوم بيه
_ والله ما حد جايب حاجة التلاجة غيرها هما طمعانين فيك ولا أي!؟
_ طمعانة فيه! عشان هيجيب أكل بيته هبقى طمعانة فيه! شرع مين دا إللي بيقول أهلي إللي يجيبوا الأكل، مش كفاية الفرش! و أنا شرعًا مش ملزمة أجيب حاجة
_ الجوازة دي بقا لو هتقف على الموضوع دا هوقفها عشان عينك الفارغة دي
_ ماما خلاص، في أي! و بعدين مريم معاها حق، أنا إللي ملزوم أجيب الأكل دا بيتي، دا حتى عيب في حقي إن يجيبوا أكل لبيتي، خلاص الموضوع انتهى أنا إللي هجيب حاجة التلاجة
_ هي من الاول بتمشيك على مزاجها أومال هتعمل أي بعد كدا
_ ماما لاحظي إنك بتغلطي فيا، تعالي يا مريم عايز أتكلم معاكي
دخلني الأوضة في بيتنا إللي بنفرش آخر حاجة فيه عشان الفرح بعد يومين
_مريم عندي فكرة أي رأيك تاخدي فلوس و تجيبي الحاجة كأنك أنتِ إللي جايباها عشان نختصر المشاكل
