الشقه

[[system-code:ad:autoads]]اجابته نوجا بضيق

محدش بيوافق انا اعمل ايه يعني صدقني يا عمر والله حاولت

_ والله حاولتي محاولتيش ميخصنيش تجيبي بنات هقبضك غير كده معنديش

حركت راسها بالايجاب ثم اقتربت منه بدلال وهي تبعث برقبه قميصه

[[system-code:ad:autoads]]هو انت ليه مش قادر تحس بحبي ليك امته قلبك القاسې ده هيحس بيا خلينا نتجوز ونبقي مع بعض ونعمل بيت وعيلة سوا

زفر بضيق وهو يبعد يديها قائلا

خفي سهوكه وحيات امك وريحي نفسك مش انتي الي ممكن اتجوزها او حتي ابصلها

_ ليه ان شالله وحشه ولا مشبهش

قالتها بانفعال واضح ليجيبها

مش عايز اشوف وشك هنا تاني اي حاجه عايزه تقولهالي بلغي سيف وهو يقولهالي مفهوم

_ عمر انا بحبك بجد

تمسك بالحاسوب الخاص به ثم قال

اطلعي براه يا نوجا ومتجيش شقتي تاني عشان مزعلكيش

ضغطت علي شفتيها بضيق وهي تقول

ماشي يا عمر بس الي ميندمش بعدين هتحفي ورايا ووقتها انا الي هقولك اسفه

_ اه في المشمش اخفي من وشي يلا

خرجت نوجا ونيران تشتعل بداخلها اما عمر بدا بمتابعه تلك الفتاه التي يراقبها كعادته لم تظهر صورتها امامه وضع السماعه علي اذنيه

وصل اليه صوتها وهي تتحدث مع والدتها بزعيق ..

لسه بتحبيه وبتفكري فيه بعد ما رماكي انتي وبنتك الي كان عمرها سنه وسافر لمراته الاولي وعياله انتي ازاي كده انا مش قادره اصدق بجد وابويا الي عيشتي معاه سنين نسيتيه بسهوله دي !!! طفح الډم في شغله عشان يحققلك كل الي نفسك فيه وبعد ما ماټ مهانش عليكي تستني حتي لما يعد سنه علي ۏفاته

_ كفايه يا فريده حرام عليكي كفايه

قالتها والدتها بتعب لتقول فريده

كفايه انتي يا شيخه ماسكه صورته وبتفكري فيه ده غير مكالمات الي بتقوليله فيها انه يرجعلك اوعي تفتكري اني مش عارفه ايه الي بيحصل لا انا عارفه كل حاجه ورحمه ابويا لو مبطلتيش الي بتعمليه انا هطفش وهسيبلك البيت ليكي وللمحروسه بنتك

نطقت فريده جملتها الاخيره وهي تجذب هاتفها من الاريكه ثم رحلت الي غرفتها وصفعت الباب بقوه خلفها

انتفض جسد عمر عندما وصل اليه صوت صفعه الباب فهتف

ما براحه يا برنسيسه في ايه

علي الناحيه الاخري ..

القت بجسدها علي الفراش ثم صاحت باكيه وهي تقول

مكنتش تستاهلك ولا تستاهل حب واحد زيك يا بابا

تمسكت بهاتفها عندما وصل اليها رساله من صديقتها تخبرها عن شئ ما ..