الشقه

اوما سيف راسه بتفهم وهو يقول

شكلك لسه شغاله جديد وبتنامي في ال Night club عمر الي جابك ولا نوجا بمعني اصح جايه بمزاجكك ولا ممسوك عليكي صور

ضحكت فريده وهي تقول

لا يا اخويا ممسوك عليا صور هو في حد يجي هنا بمزاجه بردو وانت بقي عمر ماسك عليك ايه كام صوره ليك وانت قاعد في بيتكم وبيهددك بيها ولا ايه !! بس باين علي وشك المتشلفط انه ممسوك عليك حاجات كتييرة

قالتها فريده بسخريه شديد ليقول سيف

بلاش تتريقي انتي متعرفيش الي انا فيه خليكي في مصيبتك واوعي تستهوني بعمر لانه اكيد قاعد بيفكرلك في مصېبه تانيه

وصلت ليلي الي المكان المحدد ثم قالت باستغراب

عايز يقابلني في كباريه اټجنن ده ولا ايه

دلفت الي المكان ولمحت سيف يقف مع فتاه ما اقتربت منهما وهي تقول

مين دي وايه المكان الي انت جايبني فيه ده ولحظه كده وشك ماله انت اتخانقت مع حد !!

_ يا ماما اهدي عليه شويه كل دي اسئله عايزه يجاوبك عليها!!!

قالتها فريده ..

كررت ليلي سؤالها مره اخري وهي تشير ناحيه فريده

مين دي !!

جذبها سيف من يديها وهو يقول

تعالي بس معايا وهفهمك كل حاجه يا ليلي

وصل كلاهما الي غرفه المكتب هتفت ليلي باستغراب

دي اوضه صاحب الكباريه جايبني فيها ليه فهمني بس

جلس علي الكرسي المقابل للمكتب ثم هتف

انا صاحب المكان ده يا ليلي

_ صاحبه ازاي يعني انت فاتح كباريه !!!

_ لا ده Night club انا وعمر بنجيب بنات ترقص وتغني هنا وتقعد مع زباين تضحكهم وبيطلع لينا مبلغ محترم عمر يكلم كام بنت من ناحيته يوقعهم في حبه ويخليهم يبعتوا شويه صور وبعدين يهددهم يا اما يشتغلوا هنا يا صورهم تنزل وانا برود بعمل نفس الي عمر بيعمله اكتر من بنت جبتها هنا بالسكه دي وانتي كنتي من البنات دي كل حاجه بينا كانت مجرد لعبه مش اكتر عشان اجيبك هنا تشتغلي

_ ضحكت عليا وخدعتني عشان توصلني لمكان ده وتشغلني هنا !! ليه تعمل فيا كده يا سيف انا حبيبتك شوفت فيك كل حاجه اتحرمت منها وفي الاخر اطلع بنسبالك مجرد واحده بتصطادها !!!

نطقت عبارتها تلك باڼهيار واضح

اجابها سيف بهدوء عكس ما بداخله

ده بيزنس يا روحي ومتقلقيش التصوير ممنوع هنا ومش هخلي حد يلمسك الموضوع بسيط جدا انتي هتسيبي سكن الطالبات الي انتي قاعده فيه وتيجي تعيشي هنا الصبح هتروحي جامعتك عادي جدا وبليل هتنزلي الشغل هنا وعمك معتقدش انه هيتعب نفسه ويدور ويسال عليكي ويا ستي هسيبك في الاجازات تنزليه وكل يومين في الاسبوع كمان ايه رايك