ياباشا
مريم بدأت تعيط بصمت.
صوته كان هادي بشكل وجعها أكتر.
— “عارف إنك خايفة… وعارف إنك حاسة إن حياتك كلها كانت كذبة.”
سكت لحظة.
— “بس في حاجة لازم تعرفيها… أنا عمري ما قربت منك علشان شبه مي.”
دموعها نزلت أكتر.
— “في البداية آه… كنت بدور على إجابة. لكن بعدين…”
أنفاسه اتسمعت بوضوح.
— “وقعت في حبك إنتِ.”
قفلت عينيها بقوة.
قلبها وجعها بشكل مرعب.
الصوت كمل: — “دلوقتي اسمعي كويس. في مفتاح جوه بطانة شنطتي. المفتاح ده يوصلك لحاجة أهم من أي حاجة تانية.”
— “إيه هي؟”
همستها خرجت وسط بكاها.
لكن التسجيل كمل: — “دليل يقدر يوقع الناس دي كلها.”
العربية فجأة فرملت بعنف.
الراجل شتم بصوت واطي.
مريم بصت قدامها…
وعيونها اتسعت برعب.
عربيتين سودا قافلين عليهم الطريق.
والرجالة اللي نزلوا منهم… كانوا شايلين سلاح.
يتبع
إتبعنا
