قاعد

الحلقه الاولى تصحى شرين على صوت موبيلها هو بيرن تمد ايدها وهى لسه مغمضه عنيها لحد ما تجيبه وترد عليه شرين بصوت نايم : الو ليلى : يالهووووووووووووى انتى لسه نايمه شرين : ليه هى الساعه كام ؟؟ ليلى : الساعه 9 والمحاضره الساعه 10 شرين : لا انسينى انا بقى المحاضره دى روحى انتى وانا هحصلك على المحاضره التانيه ليلى : والله انتى ندله شرين : معلشى بقى يا لولو ……..هحصلك على طول ليلى : ماشى ياله سلام شرين : سلام قامت شرين بكسل وهى حسه انها تعبانه ومصدعه وراحت غشل وشها وصلت الصبح ودخلت لمامتها المطبخ شرين : ماما انا عاوزه كوباية نسكافيه ……… بس بسرعه شريفه : نسكافيه على الصبح كده ………اشربيلك كوباية لبن تفيدك احسن بدل النسكافيه والقرف ده شرين : لا يا شوشو ياقمر الله يخليكى مش طلبه خالص النصايح بتاع الامهات دى ……….انا منمتش كويس ومضيعه محاضره ومش هروح انام فالتانيه شريفه : ومنمتيش ليه ……….شايفه الهلات السوداء اللى تحت عنيكى من قلة النوم والسهر …….. شرين : ماما عشان خاطرى كفايه ………النسكافيه لحد مالبس وخرجت شرين قبل ماتسمع بقيت النصايح من مامتها ولبست وجهزت نفسها وشربت النسكافيه وراحت الجامعه ……………………………………………………………………………….. فى فيلا كبيره فى منطقه راقيه جدا كان هشام نايم فى اوضته اوضه وسعه وشيك جدا بس مبهدله بطريقه غير طبيعيه فريده : هشام ……….يا هشام هشام بصوت نايمه : ايه ياماما …زانا عاوز انام فريده : قوم ابوك كلمنى وقال لو مروحتش الشركه دلوقتى هيطلقنى هشام : مهو كل مره بيقول كده ومش بيعمل حاجه ………سبينى بقى انام فريده : يابنى قوم ابوك شكله متعصب بجد واخوك فالشركه من الساعه 7 الصبح قوم بقى هشام : هى الساعه كام فريده وهى بتبص فساعاتها : الساعه 10 هشام وهو بيحط المخده على دماغه : طيب لسه بدرى هنام ساعه وقوم اروح فريده بنرفزه وهى بتشد المخده : لا هتقوم حالا وتنزل عشان متحصلشى مصيبه قام هشام وهو متنرفز ولبس وراح الشركه ……………………………………………………………………….. شرين وصلت الكليه الساعه 11 وطبعا ليلى كانت فالمحاضره راحت تستناها فالكافتريا وهى قاعده شافت منظر دايقها اوى شافت نرمين زملتهم والمفروض انها كانت صاحبتها قاعده مع واحد وقريبين اوى من بعض وحاطت ايده حولين كتفها وبتضحك معاها بصوت عالى وكل اللى رايح واللى جاى بيبصلهم بقرف وبعد حوالى نص ساعه ليلى كانت خلصت وجات عندها ليلى : شرى حبيبتى وحشانى يا ندله شرين بضيق: وانتى كمان ليلى باستغراب : ايه يا بنتى مالك شرين وهى بتشارو براسها على مكان نرمين : بصى ليلى : هى حره فى تصرفاتها ………..احنا اتكلمنا معاها كتير شرين : بجد انا بقرف من اللى بتعمله ده ليلى : كبرى دماغك ………المهم انتى ايه سهرك امبارح شرين : مفيش مكنشى جايلى نوم قاعدت ازاكر شويه لحد الفجر وصليت ودخلت نمت ليلى : ماشى يا ستى ربنا يعينك ………….بس بعد كده متسبنيش احضر لوحدى شرين : ربنا يسهل ……….هانت كلها شهر ونص ونخلص خالص والبنتين بيتكلمو جات عليهم نرمين نرمين بضحكه صفره : ازيكو يا بنات ……….انتو لسه بتحبو فبعض شرين بغيظ : على الاقل قاعدين محترمين نرمين : قصدك ايه ؟؟؟ ليلى : بقولك ايه يا نرمين انتى حره فى تصرفاتك ……….بس لو سمحتى متجيش تكلمينا تانى نرمين : ليه ؟؟ شرين : عشان احنا بنخاف على سمعتنا ……..وبصراحه ميشرفناش اننا نكلم وحده زيك البنات بداء صوتهم يعلى وناس كتير اتلمو حواليهم نرمين : ميشرفكوش ليه ان شاء الله شرين : عشان انتى كل تصرفاتك غلط واحنا قومنا بواجبنا ونصحناكى اكتر من مره بس اللى انتى بتعمليه ده ……..يخلينا مينفعشى نكلمك تانى نرمين بعصبيه : وانتى بقى عامله نفسك محترمه وخايفه تكلمينى لحسن اوسخك لا يا حلوه انا بكلمك بس عشان مفيش حد بيعبركم اصلا ……..ده انا كل الولاد بيحبونى ويتمنو كلمه منى شرين : اه عشان سهله ورخيصه نرمين قربت منها وضربتها بالقلم : انا رخيص طيب انا هوريكى الرخيصه دى هتعمل ايه …………………………………………………………………………… فى الشركه عبد الرحمن فى اجتماع وباين عليه التوتر والقلق وكل شويه يبص فى ساعته وشويه ويدخل عليه هشام بكل برود وهدوء عبد الرحمن اول ما شافه قام من مكان وراح نحيته : هات مفتاح المكتب هشام باستغراب : ليه فى ايه عبد الرحمن بعصبيه : هات المفتاح هشام اداله المفتاح ودخل بسرعه مكتبه وجاب ورق ودخل كمل الاجتماع وبعد الاجتماع دخل عبد الرحمن مكتبه وكان هشام قاعد فيه عبد الرحمن ضرب هشام بالقلم : مش عاوز اشوف وشك فالشركه تانى هشام وهو ماسك خده : انتى بتضربنى .؟؟؟ عبد الرحمن : انت فاشل ومستهتر ومش عاوز اشوف وشك هنا تانى ………ياله بره الحلقه الثانيه شرين كانت نايمه على رجل مامتها ومنهاره من العياط ومامتها وشهد اختها بيحاولو يهدوها شريفه : خلاص بقى يا حبيبتى ………….. كفايه عياط شهد : بصراحه انتى غلطانه اصلا يا شرى شرين بعياط : غلط فايه بقى شهد : انك اصلا بتكلمى الاشكال دى كنتى كبرى دماغك ولا كانها موجوده اصلا شرين : هى اللى جات كلمتنا وانا كنت متنغاظه منها شريفه : خلاص يا حبيبتى حصل خير ………..ملكيش دعوه بيها تانى وتعمل صح او غلط ليها ولاهلها ………ياله قومى اغسلى وشك شه دوهى وقفه وبتفرد عضلتها : تحبى اجى معاكى بكره اضربهالك فوسط الكليه شرين بضحكه : على اساس انك راجل البيت يعنى شهد : طبعا يا بنتى اختك بميت راجل ده انا بيخوفو بيه العيال الصغيره شرين : طيب اجرى ده انا لو نفخت فيكى هتطيرى …….. شهد : طب جربى كده ده انا جامده يابنتى بس انا اللى شكلى كده شرين : ضحكتينى وانا مليش نفس جرت عليها شهد وهى بتزغزغها : خلاص اضحكك بقى بنفس شرين هو بتضحك : يابنتى اسكتى ضيعتى برستيج العكننه اللى كنت عملاه شهد وهى بتضحك : بعد الشر عليكى من العكننه يا قمر شريفه : ربنا يحميكو يا بناتى ويبعد عنك ولاد الحرام ويخليكو لبعض فضلت شهد تزغزغ شرين ويضحكو ويهزرو مع بعض ومامتهم تصوت من هزرهم وجريهم فالشقه وراء بعض …………………………………………………………………………. هشام قاعد مع كريم صاحبه فى كافيه وباين عليه انه مضايق اوى كريم : ايه يا اتش بقى متكبر دماغك هشام بنرفزه : اكبر دماغى بقولك طردنى من المكتب وهزقنى وسط الناس كريم بضحك : يا بنى انت هتعيش دى خامس مره يطردك …….وبترجع تانى ولا انت بتتحمل المسؤليه ولا هو بيفقد الامل فيك والله ابوك ده صعبان عليه هشام بتريقه : ميصعبشى عليك غالى يا اخويا كريم : بقولك ايه فك كده بقى وبلاش رخامه مش طلبه هشام بابتسامه: مانا اكيد هفك ………انا قولت بس اغير شويه كريم : والله انت مجنون هشام :هى نرمين اتاخرت كده ليه ؟؟ كريم : مش عارف اكيد هتيجى ………هى دى هتفوت حته انت موجود فيها كريم وهى بيغمزله : ع فكره البت دى بترسم عليك هشام : مانا عارف بس عامل نفسى مش واخد بالى كريم : طب وانت ايه ؟؟ هشام : والله ياكيمو يا اخويا ………اللى يتبطر على النعمه يبقى حرام عليه كريم : بس خد بالك البت دى شكلها صايع ولفه كتير ولو مسكت فيك مش هتسيبك بالساهل هشام : عيب عليك ……..هو انا تلميذ هشام وهو بيبص على الباب : طب اسكت بقى عشان وصلت ……………………………………………………………………………….. شرين فى اوضاتها بتكلم ليلى ليلى : ها يا حبى اخبارك ايه دلوقتى شرين : تمام يا لولو ……..الحمد لله ليلى : بقولك ايه نسى موضوع نرمين ده وركزى فى مذاكرتك شرين : مش عارفه يا ليلى كل مفكر فاللى حصل القى نفسى بعيط بقى الحيوانه دى تضربنى ده بابا وماما عمرهم مضربونى تيجى وحده زباله زى دى وتضربنى وسط كل الناس كده ليلى : معلشى بقى متفكريش كتير بقى ………وكلها شهر ونص وهنتخرج ومش هنشوفها تانى ……….شرى احنا مش عاوزين مشاكل احنا طول عمرنا فى حالنا شرين : ماشى يا لولو ………بس انا مش هروح الكليه بكره انا هقعد اذاكر فالبيت احسن ليلى : ايه يا شرين انتى خايفه منها ولا ايه ………لا هنروح بكره عادى شرين باستسلام : ماشى يا ليلى ربنا يسهل ………..ياله سلام عشان اذاكر شويه ليلى : ماشى يا حبيبتى ربنا يعينك ……..سلام وقفلت شرين وهى لسه بتفكر هتروح بكره الكليه ازاى وهتقابل الناس ازاى اكدي هيتريقو عليها ……………………………………………………………………………… نرمين قاعده متغاظه بعد ما حكت اللى حصل لهشام وكريم نرمين : انتو لازم تتصرفو انا لازم انتقم من البنت دى كريم : عاوزانه نعمل ايه يعنى نقتـ,ــ,ـلهالك …………..وبعدين مانتى اخدتى حقك وضربتيها نرمين بحقد : لا مش كفايه كريم بنرفزه : بصراحه بقى انتى ملكيش الحق تعملى معاها حاجه البنت مغلطتشى نرمين وهى بتبصله بغيظ : قصدك ايه ان انا سهله ورخيصه كريم : تصرفاتك هى اللى خلت الناس تقول عليكى كده نرمين : احترم نفسك يا كريم احسن وبعدين انا حره فى تصرفاتى كريم : انا هقوم امشى احسن ………..اصلى بصراحه قرفان من القعده دى وقام كريم من مكانه ومشى وهو مضايق وقرفان اوى من نرمين نرمين بصت لهشام بدلع : ها يا اتش ………هنعمل ايه ..؟؟؟ هشام : فى ايه ؟؟؟ نرمين بعصبيه : هو انا بكلم نفسى هشام : مهو يا حبيبتى لو اللى بيتكلم مجنون المستمع لازم يبقى عاقل نرمين وهى بتقرب منه وبدلع : حبيبتك …….يعنى انا فعلا حبيبتك هشام وهو بيقرب وشه من وشها : طبعا يا قمر نرمين : طيب هتساعد حبيبتك مش كده هشام : اللى تعوزه حبيبتى يتنفذ حالا نرمين : مش عارفه ………….فكر معايا هشام بعصبيه : مش عارفه يانرمين يعنى اروح اتجوزهالك عرفى ……….متكبرى دماغك بقى وتسيبك منها نرمين بضحكه : ايوه هو ده … هشام باستغرب : هو ده ايه انتى اتجنينتى ولا ايه نرمين : هو ده …………..تتجوزها عرفى قصة ورقة جواز عرفي. الحلقه الثالثه هشام كان قاعد مع نرمين فى الكافيه هشام بعصبيه : مش عارف يانرمين يعنى اروح اتجوزهالك عرفى ……….متكبرى دماغك بقى وتسيبك منها نرمين بضحكه : ايوه هو ده … هشام باستغرب : هو ده ايه انتى اتجنينتى ولا ايه نرمين : هو ده …………..تتجوزها عرفى هشام بتريقه : وماله فكره جامده ………انا هروحلها بكره الكليه واقولها اتجوزينى عرفى ……………انتى بتشربى حاجه نرمين : بس بلاش تريقه هشام : مانتى بتقولى كلام غريب ……….اولا انتى بتقولى انها محترمه يعنى مش هعرف اتعرف عليها بسهوله وكمان مش هعرف اضحك عليها بانها تعمل كارثه زى دى …………….وبعدين كلها شهر ونص وتخلصو ومش هتشوفيها تانى ………..يعنى كبرى دماغك بقى ومتوجعليش دماغك نرمين : انت بتعقد الموضوع ليه هشام : يا حبيبتى هو متعقد جاهز ………….ماتيجى اتجوزك انتى اسهل نرمين : لا طبعا ……….طيب بص انا مش عاوزاك تشوفها ولا تتعرف عليها …….كل اللى عاوزاه ورقة اذلها بيها بس شويه هشام : والله مجنونه ………وده هيبقى ازاى يا ناصحه نرمين : بطل ضحك واسمعنى …….انا هجبلك بطاقتها وانا وانت وشوف اتنين من اصحابك ونكتب الورقه هشام وهو بيفكر : مش عارف ………..انا هخاف منك على فكره نرمين : لا يا روحى متخافشى ……….انا بس مبحبش حد يجى عليا هشام : اوكى ربنا يستر ……….انا هقوم بقى اروح لما تجيبى البطاقه ابقى كلمينى وانا هظبط باقى الناس نرمين : اوكى ……….ياله سلام هشام : سلام هشام قام روح وهو بيفكر فى كلام نرمين واللى هتعمله وهو بيكلم نفسه ” نرمين دى مش سهله وشكلها هتورطنى فى مصيبه ” ” بس مش مشكله اهو نتسلى شويه ” ” بس البنت دى ذنبها ايه ……….باين من تصرفها انها محترمه اوى ” ” طب وانا مالى …………هم حرين مع بعض ……..المهم ان انا اتسلى وضيع وقت وخلاص ” ” بس كده حرام ” ” ياعم كبر دماغك بقى ………….ولما نشوف ايه اللى هيحصل ” ………………………………………………………………………….. تانى يوم الصبح شرين قاعده على السرير وباين عليها التعب والارهاق وبتحاول تنام بس مش عارفه وشويه ويرن موبايلها شرين بتعب : الو ليلى : ايه يا بنتى مالك .؟ شرين : تعبانه اوى يا لولو ………. تقريبا منمتش طول الليل ليلى : ليه كده يا حبيبى …………..مالك يا شرين شرين : مش عارفه والله ياليلى ………..خايفه الزفته دى تورطنى فى مصيبه مش عارفه ليه حسه ان قلبى مقبوض ليلى : متقلقيش هتعمل ايه يعنى هى بس بتقول كلمتين من حرقتها وخلاص شرين : طيب بلاش اروح انهارده ليلى : لا يا شرين هنروح ……….متخافيش منها ولا من اى حد بدام انتى صح شرين : يا ليلى بس ليلى : مفيش بس …………..هنروح وهروحك بدرى عشان انتى تعبانه ……..بس لازم نروح انهارده شرين باستسلام : ماشى يا ليلى هقوم اعمل نسكافيه والبس ساعه وهكون فالكليه ليلى : اوكى يا شرى وانا كمان هقوم اجهز نتقابل فالكافتريا ……..سلام شرين : سلام ………………………………………………………………………….. بعد حوالى ساعه ونص كانت شرين فالكليه بدور على ليلى فالكافتريا وشافتها قاعده راحت عليه شرين : السلام عليكم ليلى : وعليكم السلام ……… ايه يا بنتى اتاخرتى كده ليه شرين : معلشى بقى انتى عارفه المواصلات ليلى : اوكى يا شرى ……….. اخبارك ايه بقى شرين بضحكه : الحمد لله بقى ………….بس فى كلب بيهوهو فى دماغى ……….عاوزه اشرب نسكافيه ليلى : تانى …….. يابنتى كده هتتعبى شرين : لا والنبى هو ماما فالبيت وانتى هنا ليلى : طيب تعالى نلحصق المحاضره الاول وبعدين نشرب النسكافيه شرين : لا انا مليش دماغ احضر انا اصلا جيت انهارده عشان خطرك وهم بيتكلمو قربت عليهم بنت ………: ازيكو يا بنات شرين : ازيك يا نهى ……….اخبارك ايه ( نهى زملتهم وفى نفس الدفعه بس هى صاحبة نرمين اكتر ) نهى بحزن : الحمد لله ……….ايه اللى حصل امبارح ده ليلى : ولا حاجه ……كبرى دماغك نهى : معلشى يا شرى على القلم هى نرمين اكيد متقصدشى ليلى لما حست ان شرين ممكن تضايق : مش هنجيب النسكافيه يا شرى ………معلشى يا نهى هنجيب نسكافيه ونجيلك ليلى خدت شرين ومشت قبل ما تعيط قدام نهى ليلى : متزعليش يا شيرى من كلمها …….انا اصلا مش بحب البت دى شرين بطيبه : حرام يا ليلى انا مشوفتش منها حاجه وحشه ليلى : كفايه انها صاحبة نرمين هو فى اوحش من كده شرين : بس عمرنا ما شوفنا منها حاجه وحشه ولا تصرف غلط حرام بلاش نظلمها ليلى : والله انتى طيبه وهبله كمان شرين : طيب ياله انا عاوزه اروح انا بجد تعبانه ليلى : طيب تعالى ناخد حاجاتنا ونروح ولا يهمك يا قمر ……………………………………………………………….. هشام نايم لحد الظهر وموبيله عمال يرن متواصل قام وهو متنرفز يشوف مين الغلس اللى بيرن عليه ده هشام بنرفزه : ايوه يا نرمين ………..يعنى مش برد ابقى نايم وتتصلى فى وقت تانى مش رن رن نرمين : معلشى بقى يا اتش اصلى عاوزاك فى موضوع مهم هشام : خير يا ستى نرمين بضحكه صفره : انا جبت كل البيانات اللى هتحتاجها الحلقه الرابعه هشام نايم لحد الظهر وموبيله عمال يرن متواصل قام وهو متنرفز يشوف مين الغلس اللى بيرن عليه ده هشام بنرفزه : ايوه يا نرمين ………..يعنى مش برد ابقى نايم وتتصلى فى وقت تانى مش رن رن نرمين : معلشى بقى يا اتش اصلى عاوزاك فى موضوع مهم هشام : خير يا ستى نرمين بضحكه صفره : انا جبت كل البيانات اللى هتحتاجها هشام وهى بيقوم على السرير : يا بنت الايه بالسرعه دى ………..عملتها ازاى دى نرمين وهى بتضحك وبتفتكر فلاش باك شرين وليلى قامو وسابو حاجاتهم يجيبو النسكافيه نهى مسكت شنطه شرين فتحتها بسرعه طلعت البطاقه وكتبت رقمها والاسم كامل والعنوان وحطت كل حاجه مكانها بسرعه وشويه وجات شرين مع ليلى ليلى من غير نفس : صحيح يانهى نسيت اجبلك معايا نهى : ولا يهمك انا هقوم اشوف اصحابى … سلام شرين وليلى : سلام قامت نهى وراحت على نرمين بسرعه وهى مبسوطه من نفسها انها قامكت بالمهمه نرمين بقلق : جبتيها نهى : اه طبعا عيب عليكى نرمين : شطوره يا بت ………لا جدعه بصحيح نهى باستغراب : بس انتى عاوزه البيانات دى ليه نرمين وهى بتلم حاجاتها : هقولك بعدين ……….. هامشى انا دلوقتى نهى : اوكى ….. سلام نرمين وهى بترجع لهشام تانى : دى مصادرى الخاصه هشام : والله انتى مجنونه ………..طيب هنعمل ايه دلوقتى نرمين : تعالى قابلنى فالكافيه وهات معاك اتنين من اصحابك هشام : اوك مسافة السكه نرمين : بس بقولك متقولهمومشى حاجه كانتك بتتجوزنى انا ماشى هشام : ماشى بس اشمعنا نرمين : عشان محدش الشهامه تاخده ويعمل زى كريم …….. مش طلبه هشام : اوك ساعه وهكون عندك ……………………………………………………………………………….. شرين روحت وكانت فعلا تعبانه اوى دخلت نامت على طول وبعد حوالى ساعتين شريفه : شرى ………يا شرى شرين بتعب وهى بتحاول تفتح عنيها : نعم يا ماما ….هو انا لحقت شريفه : قومى ياله عشان تتغدى ……………عشان تعرفى تنامى بليل شرين : طيب سبينى شويه كمان شريفه : طيب قومى بس عاوزه اوقلك حاجه شرين قامت بقلق وعدلت نفسها على السرير : خير يا ماما شريفه : مش عارفه حسه ان باباكى تعبان شرين بخضه : تعبــــــــــــــان شريفه : متتخضيش …….انا مش متاكده بس هو بقاله فتره مش كويس حتى اكله مش عاجبنى وكل ما اقوله يكابر ومش عاوز حتى يروح للدكتور شرين : طيب وبعدين ياماما شريفه : كلميه كده وحاولى تقنعيه يروح للدكتور شرين : ماشى يا ماما هكلمه …….هو فين دلوقتى شريفه : دخل ينام بعد الغداء شويه شرين : خلاص ياماما تقلقيش انا هكلمه شريفه : ماشى يا حبيبتى ………….قومى بقى انتى كلى شرين : حاضر ياماما …………………………………………………………………… نرمين وهشان بعد ما خلصو واصحابهم مشو كانو قاعدين مع بعض نرمين : هات بقى الورقه دى هشام : ليه ………..هتبقى معايا نرمين : يا سلام هشام : اسمعينى بقى ………. انتى اصلا مينفعشى تروحى توريهلها او تبانى فالصوره اصلا نرمين باستغراب : ليه بقى ؟؟ هشام : عشان كل الناس عارفه اللى بنكو ولو ده حصل هيشكو فيكى انتى وهتبقى فضيحه ليكى انتى مش ليها وهيبان اوى انه مقلب منك ……..زوخوصا ان الناس فالكليه عارفنها وعارفين انها محترمه نرمين : امال هعمل ايه ؟؟ هشام وهو بيشد الورقه من ايديها : انا اللى هعمل نرمين : طب هتعمل ايه ؟؟ هشام بابتسامه : دى مصادرى الخاصه …………………………………………………………………………….. شرين يوميها معرفتش تقابل باباها اللى كان نايم معظم الوقت ولما صحى كانت شرين نامت من التعب وتانى يوم فالجامعه شرين قاعده شكلها مضايق اوى ليلى : مالك تانى يا شرى …………… لسه برده موضوع نرمين شرين بحزن : لاء بس ماما بتقولى ان بابا تعبان …………..انا قلقانه عليه اوى ليلى : تعبان ماله ؟؟ شرين : مش عارفه ومش راضى يروح للدكتور ليلى : خير يا حبيبتى ان شاء الله شرين : يارب يا ليلى يبقى خير ولسه البنات بيتكلمو لقت شرين تليفونها بيرن ولقت رقم غريب شرين : السلام عليكم وفجاءه شرين بقت متنحه ومش عارفه ترد ياترى ايه اللى حصل ومين اللى كلمها الحلقه الخامسه شرين وليلى بيتكلمو فالكافتريا لقت شرين تليفونها بيرن ولقت رقم غريب شرين : السلام عليكم وفجاءه شرين بقت متنحه ومش عارفه ترد ليلى اتخضت على منظرها : شرين فى ايه اخدت التليفون منها ليلى : الو السلام عليكم ……… ايه عمو فؤاد…………. طب هو فى اى مستشفى ………….طيب احنا هنيجى حالا ………مع السلامه شرين بداءت تعيط جامد وليلى بتحاول تهديها ليلى : متقلقيش يا شرين ان شاء الله خير ………….قومى ياله نروح المستشفى ونكلم طنط وشهد يحصلونا………….ياله قومى معايا ……………………………………………………………………….. هشام كان واقف مع نرمين فالكليه هشام : بصى انتى بس شوريلى عليها وانا هتعامل نرمين : بس انا عاوزه اعرف هتقوزلها ايه وهتعمل ايه هشام :مبلاش غلاسه بقى ………..لما اقابلها هقولك نرمين بنرفزه : طيب وبتبص حواليها عشان تشوف شرين فين واول ما شافتها نرمين بغيظ : اهى الزفته قاعده هناك اهوه هشام وهو بيبص فنفس الاتجاه : انهى وحده نرمين : شايف البنتين اللى قاعدين لوحدهم دول هشام : اه نرمين : هى بقى اللى لبسه طرحه بنى هشام بفرحه : بجد نرمين : ومالك فرحة كده ليه هشام : اصلها حلوه اوى نرمين : وحيات خالتك ……….وايه اللى يفرحك فى كده هشام باستعباط : مش مراتى نرمين : انت هتستهبل انت صدقت نفسك ولا ايه لا فوق كده دى تمثليه ومش هتزيد عن الورقه دى انت فاهم ونرمين وهى بتكمل ردح لقت معالم وش هشام اتغيرت وهو بيبص نحية شرين نرمين : فى ايه ؟؟ هشام وهو بيشاور نحيتهم : مش عارف بس فى حاجه حصلت نرمين باستغراب : ايه ده هم قامو جرو كده ليه هشام : شوفتى اخر الرغى بتاعك ادينى مش هعرف اكلمها ده انتى فقريه والله نرمين : انا اللى فقريه ولا انت اللى ريلت على البت من ساعة ما شوفتها هشام : والله انتى مقرفه …….بس الصراحه البت صاروخ نرمين : طيب احترام نفسك بقى عشان مقلبشى عليك هشام : لا خلاص يا معلم ده انتى قلبتك وحشه وانا مش قدك نرمين : ايوه كده اتعدل …………………………………………………………………………. شرين وليلى واقفين على اعصابهم قدام اوضه الكشف فالمستشفى وشويه وجات عليهم شريفه وشهد وهم بيعيطو شريفه بعياط : ابوكى فين يا شرين ………..جراله ايه ليلى : اهدى يا طنط ان شاء الله خير شريفه : انا كنت حسه انه تعبان ……..انا كنت عارفه شويه وخرج الدكتور والكل جرى عليه شرين : خير يا دكتور الدكتور : للاسف عنده زبحه صدريه ……….وهندخله العنايه المركزه الكل فى نفس واحد : ايـــــــــــــــــــــــــه وبدواء يعيطو جامد وهم مش عارفين يعملو ايه وبعد شويه خرج فؤاد من الاوضه على سرير متحرك وهو فى شبه غيبوبه ……………………………………………………………………….. بعد اسبوع هشام قاعد مع نرمين فالكليه هشام : ايه يابنتى بقالى اسبوع بجيلك والهانم مبتجيش ………هتفضلى مشحتطانى معاكى كده كتير نرمين : انت هتعملى فيها عم المشغول وراك ايه يعنى هشام : على الاقل هنام براحتى .. نرمين : انا مش عارفه فى ايه دى مبتفوتشى محاضره هشام : اكيد فى حاجه انتى مشوفتيش منظرها اخر مره …………..بقولك ايه يا نرمين متكبرى دماغك بقى والبنت شكلها فمصيبه يعنى مش ناقصه نرمين : يا عم الحنين …..وده من امتى بقى هشام بدلع : يابنتى طول عمرى ………….ده انا قلبى كبير نرمين : بقولك ايه هات الورقه وانا هتصرف وفكك انت من الموضوع ده هشام : بصى بكره اخر يوم بعد كده هدهالك انتى تتصرفى نرمين : اوكى ……………………………………………………………………. فى المستشفى ليلى قاعده مع شرين فى الكافتريا بتاع المستشفى ليلى : انتى يا بنتى مش هتيجى الكليه شرين بتعب : مانتى شايفه يا لولو ليلى : بس عمو بداء يتحسن الحمد لله ……..وطنط هتبقى معاه الصبح بس انتى وشهد لازم تحضرو الامتحانات على الابواب شرين : مش عارفه يا لولو طب سبينى يومين كمان ليلى : لا يا شرى انا هاجى بكره ونروح مع بعض نحضر ونروح على طول ……….بكره عندنا محاضره مهمه والدكتور قال هتيجى فالامتحان شرين : اوكى يا ليلى بس منتاخرشى والنبى عشان ماما تعبانه اوى ليلى : خلاص ماشى …………..حتى احضرى المحاضره دى وانا هبقى ااجبلك باقى المحاضرات اللى فاتتك شرين : شكرا اوى يا ليلى انتى صاحبه جدعه بجد ليلى : عيب عليكى احنا اخوات يا بت شرين : ربنا يخليكى يا لولو بجد …………………………………………………………………. تانى يوم ليلى فاتت على شرين وراحو الجامعه مع بعض وحاضرو المحاضره وخلصو شرين : ياله بقى يالولو عشان اروح لبابا ليلى : ماشى يا شرى …..ياله بينا ولسه البنات ماشين لقو ولد واقف قدامهم ومبتسم ابتسامه عريضه وهو بيبص لشرين …………..: صباح الفل يا جميل الحلقه السادسه تانى يوم ليلى فاتت على شرين وراحو الجامعه مع بعض وحاضرو المحاضره وخلصو شرين : ياله بقى يالولو عشان اروح لبابا ليلى : ماشى يا شرى …..ياله بينا ولسه البنات ماشين لقو ولد واقف قدامهم ومبتسم ابتسامه عريضه وهو بيبص لشرين …………..: صباح الفل يا جميل شرين : افندم هشام : كنت عاوزك فى موضوع شرين باستغراب : عاوزنى انا ……………..خير هشام : مش هينفع واحنا وقفين كده ….ممكن نقعد فالكافتريا شويه شرين : لا معلشى مش هينفع انا مستعجله وكمان متعودتش اقعد مع حد غريب هشان بابتسام : مهو انا مش غريب شرين : نعم ….ازاى يعنى ليلى : تعالى يا شرى نقعد ونشوف اخرة الاستظراف ده ايه هشام : لا انا عاوز الانسه لوحدها شرين وبداءت تتنرفز : ليه يعنى ……….وانت مين اصلا ………يا احنا الاتنين يا هامشى وهسيبك هشام : خلاص انتى حره انا بقول كده لمصلحتك وسابهم هشام وسبكهم عن الكافتريا وهم وقفين يبصو لبعض ومستغربين اوى من هشام وكلامه معاهم هشام راح اقعد ووراه شرين وليلى شرين وهى بتقعد : ادينا قعدنا انجز بقى عشان انا مستعجله هشام بفضول : ليه وراكى ايه شرين بنرفزه : وانت مالك اصلا ………..متقول عاوز ايه ولا اسيبك وامشى هشام : خلاص خلاص وطلع ورقه من جيبه هشام : اقرى الورقه دى وبعدين نتكلم شرين شدة الورقه من ايده وفتحاتها وليلى بتبص معاها شرين : دى ورقة جواز عرفى…….. انا مالـــــــــــ ولسه بتكمل شافت اسم الزوجه ” شرين فؤاد اسماعيل ” شرين بضحكه عدم تصديق : ايه الهبل ده ………….. ومين هشام عبد الرحمن ده اصلا هشام بغرور : انا وبكل تواضع شرين : انت اهبل ولا بتستهبل هشام : ليه شرين : يعنى ايه ليه …………… انا اول مره اشوفك ابقى اتجوزتك امتى ……….روح يا شاطر العب بعيد وشوف وحده تانيه تضحك عليها وشرين بتقوم من مكانهم هشام مساكه من ايدها وبصلها وهو على وشه ابتسامه هشام : اثبتـــــــــــــــــــــى شرين وهى بتزوق ايده بعيد عنها : اثبت ايه ؟؟ هشام : يعنى انا عندى اثباتى اسمك ورقم البطاقه شهود على الورقه وكلامى وكمان ممكن اجيب شهود يقولو انهم شفوكى معايا كتير ………..انتى بقى ايه اثباتك انك مش مراتى شرين : مرات مين انت شارب حاجه ……….ان اول مره اشوف خلقتك هشام : على فكره عيب تشتمى جوزك كده شرين بتحاول تتحكم فى اعصابها عشان متفرجشى عليها الناس : انت واحد نصاب وانا هوديك فى داهيه هشام : اثبتى برده شرين : انت مستفز على فكره اوى ليلى : اهدى يا شرين كده ……………. انت عاوز ايه ؟؟ هشام بابتسامه : عاوز مراتى شرين : متقولشى مراتك ليلى : احنا هنبلغ عنك بتهمت التزوير هشام وهو بيضحك : عادى افضحى صاحبتك عشان كل الناس تعرف انها مش محترمه ومتجوزه عرفى من وراء اهلها شرين اول ما سمعت الكلام ده بداءت تعيط شرين بعياط : انت بتعمل كده ليه ………….انا عملتلك ايه ؟؟ هشام : النقاش مش هينفع دلوقتى ……..ده الكارت بتاعى لما تفوقى من الصدمه كده نبقى نتكلم ……………. وعلى فكره الورقه اللى معاكى دى صوره والاصل معايا …..سلام ليلى وشرين فضلو متناحين شويه من غير كلام ولا اى حركه شرين : ده حلم …………….صح ده حلم وهصحى منه دلوقتى ليلى : اهدى يا شرين شرين بصوت كله عياط : اهدى ازاى يعنى ………..انتى شايفه المصيبه اللى انا فيها ليلى : طب قومى معايا نمشى دلوقتى عشان الناس بتبص علينا شرين بعياط : انا مش هقدر اروح المستشفى دلوقتى ليلى : طب قومى انا هكلم طنط واقولها انك تعبانه ونروح على البيت وفعلا ليلى كلمة شريفه وطمنتها عليها وروحو على البيت ……………………………………………………………………….. هشام لما مشى من مع شرين وليلى كان سرحان وعدى من قدام نرمين من غير حتى ما يشوفه نرمين : هشام يا هشام هشام وهو بيفوق من سرحانه : نعم نرمين : ايه مالك ……… عملت ايه ؟؟ هشام : هعمل ايه يعنى ورتلها الورقه وسبتها تفكر شويه وبعد كده هشوف هعمل ايه نرمين : انا مبقتشى فهماك ………..طب ليه كل الحوار ده مكنا صورنا الورقه ووزعناها فالكليه وخلاص وبكده ابقى عملت اللى عاوزاه هشام بضيق : بقولك ايه انا همشى دلوقتى هبقى اكلمك بعدين ومشى وساب نرمين قبل حتى ما تتكلم وفضلت بصه عليه وهى متنحه ومش فاهمه هو ماله هشام كان ماشى بيكلم نفسه ” هى ليه صعبت عليه كده ………….انا اول مره ازعل عشان حد ” ” هى العبه هتقلب جد ولا ايه ………..انا ايه اللى عملته فى نفسى ده ” ” منك لله يا نرمين ………….ياريتنى ما سمعت كلامك ” ” هو ايه اللى انا بقوله ده ……..هو عشان دمعتين هتعمل فيه كده ……… عادى يعنى مانا ياما عملت مصايب ” ” انا مش عارفه انا ليه بفكر كتير كده ……..انا هتجنن من كتر التفكير ” وهو ماشى سرحان شاف ………………………….. الحلقه السابعه هشام كان ماشى سرحان شاف كريم صاحبه هشام : كريم ……………كريم كريم با ستغراب وهو بيقرب عليه : ايه ده انت ايه جابك هنا هشام : انا اللى المفروض اسالك انت مش المفروض فالشركه دلوقتى ( كريم بيشتغل محاسب فى شركه والد هشام وطبعا هشام اللى مشغله ) كريم : بس كنت محتاج ورق من الكليه فستأذنت ساعه هشام : انت تعرف انك ابن حلال كريم : طول عمرى يا بنى هشام : انت خلصت اللى وراك هنا كريم : اه الحمد لله هشام : طيب لسه قدامك وقت كريم وهو بيبص فى ساعته : اه يعنى نص ساعه ……….. فى حاجه ولا ايه ؟ هشام : اه عاوزك فى موضوع كده …ززززتعالى نقعد فى اى حته وهوصلك احد الشركه وفعلا كريم راح ركب عربية هشام وقاعدو فى اول كافيه قابلهم ………………………………………………………………………….. فى البيت عند شرين ليلى : اهدى بقى يا شرى وكفايه عياط ……….عاوزين نفكر هنعمل ايه شرين بعياط : انا مش عارفه ليه بيحصلى كل ده ……….انا عمرى ما ذيت حد ليلى : اكيد هى الزفته نرمين اللى وراء الحوار ده شرين : طيب وبعدين هعمل ايه انا فالمصيبه دى ليلى : بصى انتى روحى قولى لعمو وطنط واكيد هم هيتصرفو شرين : انتى اتجنينتى ………..ده بابا ممكن يموت فيها ………..انا مصدقت انه بداء يفوق ويخروج من العنايه ليلى : بس هم لازم يعرفو عشان يقفز جانبك وترفعى قضية تزوير على الولد ده شرين : مش هينفع يا ليلى مش هينفع ……………دى فضيحا ………مين هيصدق كلامى ………..والناس مش بتصدق غير الوحش ومبيصدقو يتكلمو ……………وبابا كمان صحته مش هتسمح بكده ليلى : طيب وبعدين هنعمل ايه شرين بعياط : مش عارفه ليلى : طيب بس قومى اغسلى وشك كده وتوضى وتعالى نصلى ركعتين لربنا …………. وهو هيحلها من عنده و قامو البنات عشان يتوضو ويصلو ويدعو ربنا يقف جانبهم ……………………………………………………………………………… فى الكافيه كريم بيبص لهشام بعدم تصديق : انت بتهزر مش كده هشام : لا بتكلم بجد كريم بعصبيه : يعنى انت عملت كده بجد هشام : اه بس مش عارف حاسس بالذنب كريم : الذنب ………….انت بتستهبل اصلا ……….حرام عليك يعنى هى عشان البنت محترمه ومش عجبها وضع ست نرمين المايل تعملو فيها كده ………..يرضى مين ده ………….هو خلاص الاستهترار يوصلكم انكم تلعبو بشرف وسمعة الناس هشام : اهدى بقى هو انا بقولك عشان تتعصب عليه كريم بعصبيه : وانت مش عاوزنى اتعصب ………..عاوزنى اطبطب عليك وقولك معلشى متحسش بالذنب …..ولا اصقفلك وقولك برافو …بجد انا عمرى متصورت انك تعمل حاجه كده هشام : انا كنت وخدها لعبه وبسلى وقتى كريم بعصبيه وهو قايم من مكانه : لا انت الكلام معاك بقى مستحيل …….انا ماشى هشام : كريم استنى ….. يا كريم طب استنى اوصلك كريم عند باب الكافيه : شكرا هعرف اروح لوحدى وسابه ومشى وهو مضايق اوى وهشام فضل قاعد سرحان ومضايق كان فاكر لما يحكى لكريم هيفكر معاه مش هيقفش عليه كده وهو قاعد سرحان لقى موبيله بيرن واسم نرمين على الشاشه هشام : هو انا ناقصك يا شيخه …….. انتى السبب فكل اللى انا فيه ده وقام قافل موبيله من غير مايرد عليها وروح على البيت ……………………………………………………………………………… ليلى قاعده مع شرين بعد ما هديت شويه وبتكلم مامتها تطمنها عليها وتطمن على باباها شرين : ايوه يا ماما ………..بجد بقيت كويس ………..يا حبيبتى متخافيش دى بس دوخه من التعب والارهاق ………..المهم بابا عامل ايه دلوقتى ……….بجد اتنقل اوضه عادى ……….طب الحمد لله ……..خلاص يا حبيبتى انا هريح انهارده وهجلكو بكره الصبح ……….لا مش هبات لوحدى ليلى هتبات معايا هى كلمت مامتها ووافقت ………..ماشى يا حبيبتى ……..محمد رسول الله …………. سلام ليلى : عمو بقى احسن ؟؟ شرين بفرحه : الحمد لله الدكتور طمن ماما ونقله اوضه عاديه ليلى : الحمد لله سكتت شرين شويه وبعدين بصت لليلى : هو فين الكارت ليلى : معايا ليه ؟؟ شرين : هاتيه بس قامت ليلى جابت الكارت من شنطتها واداته لشرين شرين وهى بتبص فالكارت وبتقراء بصوت عالى : هشام عبد الرحمن سليمان …..مدير العلاقات العامه شرين باستغراب : بصى يا ليلى اسم الشركه السليمان نفس القب بتاعه ليلى : طب وايه المشكله شرين : يعنى دى يا شركته يا شركة باباه …………..بس الاحتمال الاكبر انها شركة باباه عشان هو مدير العلاقات العامه مش صاحب الشركه ليلى : طيب مايمكن تبقى شركة عمه مثلا او حد قريبه شرين: معتقدشى ده منصبه مدير ………وهو اصلا شكله مبيروحشى ومستهتر يعنى اكيد دلوعة بابا ……… لو حد قريبه اكيد هيخاف على شركته ليلى : عندك حق اللى يعمل كده واحد مش قد المسؤليه ومستهتر ……….بس برده هنستفيد ايه من كل ده شرين وهى بتفكر : فى فكره فى دماغى ……….بس مش عارفه هعرف اعملها ولا لاء ليلى : اللى هى ايه بقى ؟؟؟ الحلقه الثامنه تانى يوم الصبح شرين كانت وقفه قدام الشركه ولسه هتدخل لقت موبيلها بيرن شرين : السلام عليكم ……..ايوه ياماما …………لا يا حبيبتى انا هتاخر شويه ……….لا متقاقيش انا كويسه والله بس عندى محاضره مهمه هحضرها وهاجى على المستشفى …………. صدقينى مش بكذب عليكى حتى فى دوشه وصوت عربيات حوليه اهوه انا بجد كويسه ……….هو بابا عامل ايه دلوقتى ………….طب الحمد لله ……….ماشى يا حبيبتى هخلص وهجيلك على طول ……….سلام شرين قفلت مع مامتها واخدت نفس طويل وحاولت تجمد قلبها ودخلت على الشركه وعند موظف الاستقبال شرين : السلام عليكم الموظف : وعليكم السلام شرين : لو سامحت هو الاستاذ هشام عبد الرحمن موجود الموظف : لا يا فندم الاستاذ هشام مش بيجى من فتره شرين بأطمئنان : تمام طيب لو سامحت هو مش صاحب الشركه يبقى والده الموظف باستغراب : اه يا فندم …… بس فى حاجه شرين : ممكن اقابله ؟؟ الموظف : ثانيه وحده الموظف مسك التليفون وكلم السكرتيره الخاصه لعبد الرحمن وبعد ثوانى خلص وقفل الموظف : هو عنده اجتماع دلوقتى بس حضرتك ممكن تستنى عند السكرتريه ولو فى وقت ممكن حضرتك تقابليه شرين : شكرا جدا …….. امشى منين ؟؟ الموظف وهو بشاورلها : حضرتك هتركبى الاسنسير من هنا الدور الثالث تانى مكتب على الشمال شرين بابتسامه : شكرا شرين فعلا مشت فالاتجاه اللى قال عليه الموظف ووصلت للسكرتيره شرين : السلام عليكم السكرتيره : وعليكم السلام شرين : لو سامحتى انا عاوزه اقابل استاذ عبد الرحمن السكرتيره : فى موعيد سابق شرين : لاء ………….بس انا عاوزاه فى موضوع مهم جدا السكرتيره : ممكن اعرفه شرين : اسفه ……… موضوع شخصى السكرتيره : طيب هو عنده اجتماع دلوقتى ……….. اتفضلى اقعدى وتقعد شرين وتعدى ساعه ووساعتين وثلاثه ومفيش امل انها تقابله وشويه ومبايلها رن تانى شرين : السلام عليكم ………….ايوه يا ليلى …………..لسه مش عارفه ادخله ………….ماما عماله ترن عليه ومش عارفه اقولها ايه ……….انا اول مره اكذب كده…………..طب بصى انا هعمل محاوله اخيره ولو كده هروح……………اوكى سلام قفلت شرين مع ليلى وقامت تانى للسكرتيره شرين : لو سامحتى انا بقالى 3 ساعات السكرتيره : بجد يا انسه استاذ عبد الرحمن مشغول جدا شرين : طب معلشى قوليلو بس وانا مش هاخد من وقته كتير السكرتيره قامت ومعاه ملف : انا هدخل اديله الملف ده وهقوله شرين بابتسامه : ميرسى اوى وبعد حوالى 10 دقايق خرجت السكرتيره ودخلت شرين اخيرا لعبد الرحمن شرين رغم انها كانت متحمسه اوى انها تدخله الا ان لما وقت الجد جه حست بخوف ومكنتشى عارفه هتقوله ايه شرين بخطوات بطيئه : السلام عليكم عبد الرحمن وهو باصص فالملف اللى قدامه : وعليكم السلام ………اتفضلى اقعدى ………ثوانى وهكون معاكى وبعد حوالى 5 دقايق كانت شرين هتموت وقلبها هيقف من الخوف خلص عبد الرحمن الورق وبصلها : خير ………..ايه الموضوع الشخصى اللى عاوزانى فيه شرين وصوتها متحاش : احم ..هو الموضوع يخص ابن حضرتك عبد الرحمن باستغراب : ابنى ؟؟…..ابنى مين شرين وهى بطلع الورقه من شنطتها : هشام ………….اتفضل عبد الرحمن اخد الورقه وبص فيها وبعدين بصلها بصه ضايقة شرين اووووى عبد الرحمن وهو بيرمى الورقه : مطلوب منى ايه شرين : يعنى ايه عبد الرحمن : يعنى عاوزه فلوس ولا حامل وعاوزه يعترف بالجنين شرين اول لما سمعت كلامه اتصدمت وبقت مش عارفه تقول ايه عبد الرحمن : انا مش فاهم ايه اللى مطلوب منى شرين بتحاول تمسك دموعها : حضرتك فاهم غلط ……….انا مش جيه استغل حضرتك او ابن حضرتك ……..انا ضحيه ومحتاجه مساعده عبدالرحمن بتريقه : ضحيه ……….. كلهم بيقولو كده شرين ودمعها بداءت تنزل : انا معرفشى حاجه عن الورقه دى ولا شوفت ابن حضرتك ده قبل كده عشان اتجوزه ……..انا مشوفتهوش غير مره وحده فاليوم اللى ادانى الورقه دى عبد الرحمن : انا مش فاهم حاجه …………اهدى كده وفهمينى شرين حكت لعبد الرحمن كل حاجه من اول موقفها من نرمين لحد اليوم اللى راحلها هشام فيه وادالها الورقه وانها شكه ان ده انتقام من نرمين شرين : صدقنى انا مش عاوزه حاجه غير بس الورقه الاصل …..وعاوزه ابنك يبعد عنى وعن طريقى عبد الرحمن بعد ما حس بالندم : انا اسف على طريقتى معاكى ………بس الموضوع غريب شرين : حضرتك انا والدى فالمستشفى ولو سمع عن حاجه زى دى ممكن يموت غير الفضايح ……ياريت حضرتك تساعدنى نخلص الموضوع من غير محد يعرف عبد الرحمن : طيب سبيلى بياناتك ورقم تليفونك فالسكرتريه وانا هحاول اتصرف …..متقلقيش شرين بفرحه : بجد عبد الرحمن : بجد متخافيش شرين : متشكره اوى لحضرتك ………انا هستاذن انا دلوقتى …مع السلام شرين خرجت وعبد الرحمن فضل سرحان مش مصدق اللى اتحكاله ” معقول وصل بيك الاستهتار والاهمال لكده …………..ماشى يا هشام انا لازم اربيك من اول وجديد ………صبرك عليه ” ومسك عبد الرحمن التليفون واتصل بحد هو مين بقى هنعرف الحلقه اللى جايه الحلقه التاسعه شرين خرجت وعبد الرحمن فضل سرحان مش مصدق اللى اتحكاله ” معقول وصل بيك الاستهتار والاهمال لكده …………..ماشى يا هشام انا لازم اربيك من اول وجديد ………صبرك عليه ” ومسك عبد الرحمن التليفون واتصل بالسكرتيره عبد الرحمن : ابعتيلى كريم عمر من الحسابات حالا وبعد 10 دقايق كان باب المكتب بيخبط عبد الرحمن : اتفضل كريم وهوداخل وباين عليه القلق : حضرتك طلبتنى عبد الرحمن بنرفزه : اه اقعد كريم وقلقه زاد : خير حضرتك عبد الرحمن ادى كريم ورقه : تعرف ايه عن الورقه دى كريم مسك الورقه لقها ورقة الجواز العرفى : انـــا ………انناااااا عبد الرحمن : قول كل حاجه تعرفها احسنلك يا كريم كريم حكى كل حاجه يعرفها عن الموضوع ده وعن نرمين وكلام هشام ليه اخر مره عبد الرحمن : يعنى البنت دى بتقول الحقيقه كريم باحراج : اه ………….وهى فعلا بنت محترمه اوى عبد الرحمن : طب تمام ………….روح دلوقتى على مكتبك عبد الرحمن كلم السكرتيره تانى : الغى كل المواعيد انا هروح دلوقتى ……………………………………………………………………………….. فى المستشفى شرين وهى قاعده على السرير وماسكه ايد باباها : حمد الله ع سلامتك يا بابا فؤاد بصوت تعبان : الله يسلمك يا حبيبتى شرين بعياط : بابا انا محتجالك اوى قوم بقى وفوق وارجع وسطنا تانى فؤاد وهو بيضغط على ايدها : مالك يا حبيبتى ؟؟ شرين وهى بتمسح دموعها : مفيش بس ………….بس لما تعبت حسيت بكده ………….ربنا يخليك لينا يارب شريفه : خلاص بقى يا شرى ………..خلى بابا يرتاح شرين : حاضر يا ماما شريفه : خدى اختك وروحو ………..وانا هبات مع بابا انهارده فؤاد : وروحو جامعتكو وذاكرو عشان الامتحانات ………….انا بقيت كويس شرين : حاضر يا بابا …………بس انت خد بالك من نفسك ومن صحتك فؤاد : وانتى كمان ياحبيبتى وخلى بالك من اختك شرين قامت باست باباها وحضنته وطلعت بره الاوضه وشريفه وراها شريفه بقلق : انتى مالك ياشرين شرين : مالى يا ماما ؟؟ شريفه : مش عارفه بس حسه ان فيكى حاجه زعلانه ومضايقه شرين : متقلقيش يا حبيبتى انا بس قلقانه على بابا شريفه : مفيش حاجه تانيه شرين بارتباك : لا مفيش هيكون فى ايه يعنى شريفه : ماشى يا حبيبتى روحى انتى دلوقتى وخدى شهد معاكى شرين : هى شهد فين اصلا شريفه : فالكافتريا بتاع المستشفى بتشرب نسكافيه عشان مصدعه شرين : ماشى يا حبيبتى هاخدها ونروح متقلقيش علينا شريفه وهى بتحضن شرين : ماشى يا شرى خلى بالك من نفسك وبكره روحى كليتك عشان المحاضرات وتعاليلى بعد كده ………وحاولى انتى واختك تذاكرو شويه عشان تعوضو اللى فاتكو شرين : حاضر يا ماما مع السلامه ……………………………………………………………………….. هشام قاعد فى اوضه وبيكلم بنت فالتليفون وعمال يهزر معاها ويضحك فجاءه دخل عليه باباه وقفل بسرعه معاها هشام وهو مقلق من شكل باباه : خير فى حاجه عبد الرحمن : ممكن تقولى ايه دى ورمى فووشه ورقة الجواز هشام وهو مصدوم : انت جبت منين الورقه دى عبد الرحمن : ده اللى يهمك …………..وميهمكشى البنت المحترمه اللى عاوز تفضحها عشان بتلعب ومسكه من ياقة التيشرت : انا مش فاهم انت بتعمل كل ده ليه بتعاقب مين ……….لحد امتى هتبقى مستهتر ومش قد تصرفاتك اخوك اللى اصغر منك ارجل منك ………..انت ايه ده هشام وهو بيبعد ايده عنه : والله مش ذنبى انى متربتشى …….ولو انا فعلا مش متربى فده مش غلطى ده غلطكم انتم لانكم معرفتوش تربونى كويس عبد الرحمن : هات الورقه الاصل هشام ببرود : ليه عبد الرحمن بنرفزه : بقولك هات الورقه هشام خرج الورقه ورماها على السرير عبد الرحمن خادها : تمام ………انا فعلا معرفتش اربيك بس من انهارده هربيك من اول وجديد واهصلح غلطتى ………هات مفتاح العربيه هشام : وده ليه كمان عبد الرحمن : هو كده ………….واعمل حسابك انا واقفت كل حساباتك فالبنوك وكل الكرديت اللى معاك مش شغاله وسابه وخرج من الاوضه وهو على اخره ……………………………………………………………………………. شرين قاعده بتذاكر فى اوضاتها بس مش عارفه تذاكر خالص وشويه وموبيلها يرن شرين : السلام عليكم ليلى : وعليكم السلام ………….اخبارك ايه يا شرى شرين : الحمد لله يا لولو ……….ماشى الحال بس مش عارفه اركز خالص الموضوع ده شاغل بالى اوى ليلى : معلشى يا شرى ان شاء الله هتتحل شرين : ان شاء الله ليلى : هو باباه لسه مكلمكيش شرين : لا لسه بس هو لحق يابنتى ده شكله راجل مهم كده انا كنت مرعوبه وانا عنده اكيد مش فاضى …………..استنى كده يالولو …….عندى ويتنج رقم غريب ………..هشوف مين وهكلمك تانى ……..سلام ليلى : اوكى سلام شرين قفلت مع ليلى وردت على الرقم شرين : السلام عليكم عبد الرحمن : وعليكم السلام ………ازيك يا شرين انا عبد الرحمن شرين : اهلا بحضرتك عبد الرحمن : اخبار باباكى ايه دلوقتى ؟؟ شرين : الحمد لله احسن هيخروج من المستشفى كمان اسبوع عبد الرحمن : ربنا يشفيه ……….بصى يا شرين انا جبت الورقه من هشام وهى معايا دلوقتى شرين بفرحه : بجد ………….انا مش عارفه اشكر حضرتك ازاى عبد الرحمن : تشكرينى على ايه ……..ده انا اللى مش عارف اتاسفلك ازاى ………..المهم انتى دلوقتى خليكى مع والدك وركزى فى مذاكرتك واطمنى خلاص من ناحية الموضوع ده ………وان شاء الله لما تخلصى امتحانات تجيلى الشركه عشان عاوزك فى موضوع مهم شرين باستغراب : حضرتك عاوزنى انا ..؟؟ الحلقه العاشره بعد حوالى شهر كانت شرين خلصت امتحاناتها وباباها بقى الحمد لله احسن كتير واتفقت مع عبد الرحمن انها تروحله الشركه عشان عاوزها فى موضوع مهم جدا شرين وهى مستنيه عند السكرتيره والمردى اكتر توتر وقلق مش عارفه ممكن عبدالرحمن يطلب منها ايه وشويه ودخلت شرين : السلام عليكم عبد الرحمن والمرادى بترحيب كبير لشرين وترها اكتر :وعليكم السلام ……..اتفضلى يا شرين ………..اخبارك ايه واخبار بابا ايه شرين بتوتر : الحمد لله تمام ………..وبابا احسن الحمد لله عبد الرحمن : انا عاوزك فى موضوع مهم ……….واتمنى انك توافقى عليه شرين : خير ……..اتفضل عبد الرحمن : عاوزك تتجوزى هشام شرين وهى مش مستوعبه كلامه : نعم ؟؟؟ عبد الرحمن : هجوزك لهشام ابنى بس رسمى شرين بخضه : ليه ………….لا طبعا عبد الرحمن : بصى هو ديل وفى مصلحتك وانا واثق انك ذكيه وهتوافقى شرين ساكته ومش عارفه تقول ايه عبد الرحمن : بصى وبساطه كده انا عاوزك تتجوزى هشام لمده معينه سنه مثلا وطبعا اهلك مش هيعرفو حاجه عن الكلام ده ……….انا هاجى مع هشام ونتقدملك رسمى وكل اللى تطلبيه واهلك عاوزينه هعملهولك شرين باستغراب : بس ليه ……..وايه اللى يخلينى اوافق على كده عبد الرحمن : بصى هى مصلحه للطرفين وقام من مكتبه وقعد فالكرسى اللى قدام شرين عبد الرحمن : هشام ابنى انا معرفتش اربيه وانا معترف بده وانتى شخصيتك عجبانى ومحترمه وممكن تساعدينى اننا نغيره ويبقى راجل ويتحمل المسؤليه شرين : بس انا مالى بكل ده ………….انا ليه اتجوز اكتر واحد كان هياذينى واكتر واحد بكرهه ……….انا اسفه انا مش هقدر عبد الرحمن بضحكه صفره : متنسيش ان ورقة الجواز العرفى لسه معايه شرين بعصبيه : حضرتك بتهددانى ؟؟ عبد الرحمن : مش تهديد ولا حاجه ………..بصى انا هعينك هنا فالشركه بمرتب 3000 جنيه ده غير انك هيتقدملك احسن شبكه وكمان الفيلا بتاع هشام جاهزه من كل حاجه انا مش عاوزك غير بشنطة هدومك وكمان هكتبلك مؤخر كبير عشان عند الطلاق تخديه شرين : حضرتك انا ميهمنيش كل ده ………..انا مش هعيش مع واحد زى ابنك انا بجد بكرهه عبد الرحمن : انا مش هاخد ردك دلوقتى فكرى شويه فى عرضى وردى عليا كمان يومين شرين وهى قايمه وباين عليها الصدمه : ان شاء الله عبد الرحمن : شرين اتمنى انك توافقى شرين بحزن : عن اذن حضرتك ………………………………………………………………………….. شريفه قاعده فى اوضتها وسمعت صوت الباب قامت تشوف مين شريفه : شرين انتى جيتى شرين : اه ياماما شريفه : تعالى يا شرين ……….انا عاوزاكى ودخلت اوضاتها ووراها شرين شرين : خير يا ماما شريفه :انتى نتيجتك هتبان امتى ؟؟ شرين باستغراب : يعنى شهر كده ………ليه ؟؟ شريفه وهى سرحانه : شهر …. شرين : فى ايه ياماما قلقتينى ؟؟ شريفه : بصى يا شرين ……..انتى مبقتيش صغيره …….بصراحه كده من كام يوم باباكى عرف انهم هيحلوه على المعاش بسبب ظروفه الصحيه شرين : ايــــه شريفه : المشكله بقى ان المعاش نص تقريبا مرتب باباكى انا مش عارفه هتصرف ازاى ………….. وحتى المبلغ اللى كنا محوشينه عشان جوازك انتى واختك جزاء كبير منه اتصرف فى المستشفى وتعب باباكى …..انا مش عارفه اعمل ايه وخايفه باباكى يشيل الهم يتعب تانى شرين : وبعدين يا ماما ……. شريفه : مش عارفه انا كان عندى امل انك تشتغل وتساعدينا بس ياترى هتلاقى شغل بالسرعه دى شرين وهى بتفكر افتكرت عرض عبد الرحمن ………بس لما افتكرت هشام حاولت تنسى الحل ده ……………………………………………………………………. عدى يوم وشرين محتاره ومش عارفه تنام من كتر التفكير وهى سهرانه بتكلم ليلى وبتفكر معاها عشان حسه انها تعبت اوى ومش عارفه تشارك حد معاه غير ليلى اللى تعرف كل حاجه من الاول شرين : انا تعبت اوى ياليلى ……….يارب اموت وارتاح من اللى انا فيه ده ليلى : حرام عليكى ………..استغفرى ربنا شرين : استغفر الله العظيم ………..بس ليه بجد بيحصلى كل ده ………. كل مقول خلصت مشكله تطلعلى مصيبه ليلى : بس يا شرى الكلام مش هينفع …..قومى صلى ركعتين كده وقرى قراءن وحاولى تنام كويس وبكره الصبح روحى الشركه واللى هيطلع وقتها يبقى هو ده اللى ربنا كتبهولك شرين : انا فعلا تعبت اوى وعاوزه اسيبها على ربنا ………ربنا يسترها يارب ليلى : امين يارب ……………خالى بالك من نفسك وطمنينى عليكى بكره شرين : ان شاء الله مع السلامه ليلى : سلام ……………………………………………………………………………….. بعد حوالى اسبوع عبد الرحمن يدخل اوضه هشام عبدالرحمن من غير نفس : جهز نفسك بليل الساعه 8 هتيجى معايا مشوار هشام باستغراب : مشوار ايه عبد الرحمن : هخطبلك هشام وقف متنح ومش مصدق اللى بيقوله : انت قولت ايه عبد الرحمن وهو خارج من الاوضه : هخطبلك الحلقه الحادية عشر بعد حوالى اسبوع عبد الرحمن يدخل اوضه هشام عبدالرحمن من غير نفس : جهز نفسك بليل الساعه 8 هتيجى معايا مشوار هشام باستغراب : مشوار ايه عبد الرحمن : هخطبلك هشام وقف متنح ومش مصدق اللى بيقوله : انت قولت ايه عبد الرحمن وهو خارج من الاوضه : هخطبلك جرى وراه هشام : يعنى ايه ………..وازاى ………..ومين دى اللى هخطوبها عبد الرحمن : هتعرف بعدين هشام بنرفزه :ازاى يعنى ………….انا مش هروح فى حته عبد الرحمن : يبقى تلم هدومك وتطلع بره البيت …..وشوف بقى هتعيش ازاى هشام : هو ايه الذل ده ؟؟ عبد الرحمن : هو مش انا معرفتش اربيك ادينى بحاول اصلح غلطتى وسابه ومشى ودخل اوضته فريده قبلته فريده : ها عملت ايه ؟؟ عبد الرحمن : قولتله فريده : وهو عمل ايه ؟؟ عبد الرحمن : هيعمل ايه يعنى اكيد هيوافق انا قولتله لو موافقشى هطرده من البيت فريده بخضه :ايـــه …… وانت هتعمل كده فعلا؟؟ عبد الرحمن بتحدى : اه فريده :ازاى يعنى وهيعيش ازاى وانت واخد منه الفلوس وكل حاجه عبد الرحمن : اهو يتعلم يعتمد على نفسه ولو مره فى حياته فريده : هى البنت وافقت عبد الرحمن بيحكى اللى حصل من شرين فلاش باك شرين فى مكتب عبد الرحمن وباين عليها التعب والتوتر عبد الرحمن: ها يا شرين قرارتى ايه شرين تسكت شويه وتسرح وبعد شويه تفوق على صوت عبد الرحمن عبد الرحمن : ها ياله قوليلى هتعملى ايه شرين : انا موافقه ……….بس عندى شرط عبد الرحمن : شرط ………شرط ايه شرين : حضرتك تكلم بابا وانا مليش دعوه بالموضوع ده عبد الرحمن : وهقوله ايه شرين : ممكن حضرتك تقوله ان هشام قريب وحده صاحبتى وشافنى وعاوز يخطبنى كده يعنى ………..بس عشان خاطرى محدش يعرف اى حاجه عن اتفاقنا او موضوعى مع هشام عبد الرحمن : ماشى يا شرين شرين انا هكتب لحضرتك رقم البيت وممكن تقول انك جبته من صاحبتى دى عبد الرحمن : خلاص يا شرين اللى تحبيه ……….انا هتكلم انا مع بابا واضبط كل حاجه ويرجع تانى عبد الرحمن لفريده فريده : وانت عملت ايه مع باباها عبد الرحمن : عادى كلمته واديته اسمى عشان يسال علينا وقال لشرين وطبعا وافقت وحدد معايا انهارده عشان نروح نقابلهم فريده : طيب تمام ………….ربنا يستر بقى وهشام يعقل كده وميعملشى مشكله عبد الرحمن : لا متقلقيش هو غصب عنه هيوافق وهيسمع كلامنا فريده : انا مش مصدقه ان ابنى عمل كل ده عبد الرحمن : لا صدقى ………وانتى مستنيه تكون ايه النتيجه لاهمالك لولادك واهتمامك باصحابك والنوادى طول اليوم فريده بنرفزه : يا سلام بقيت انا السبب عبد الرحمن : انا وانتى السبب ولازم نفوق ونعمل حاجه بقى ………….قبل ميضيع خالص فريده : ربنا يستر …………………………………………………………………………… فى بيت شرين كل حاجه جهزه والكل فرحان ما عدا شرين طبعا ومامتها كانت حسه بكده شرين فى اوضتها بتجهز قبل ما الناس يجو وتدخلها مامتها شريفه : بسم الله ما شاء الله ………….زى القمر ياحبيبتى شرين بتبتسم لمامتها ابتسامه حزينه شريفه : مالك يا شرين ……..انتى مش مبسوطه ………لو مش موافقه انا هقول لبابا ونرفض ….عادى ياحبيبتى شرين : لا يا ماما موافقه ……..انا بس مخضوضه من الموقف دى اول مره ابقى فالموقف ده شريفه : هو انتى تعرفى العريس شرين : اه شوفته مره فالكليه شريفه : يعنى عجبك ومرتاحاله شرين : اه ياماما هو باين عليه محترم اوى وكمان بابا سئل على باباه وطلع محترم اوى شريفه : ربنا يوفئك يا حبيبتى يارب شويه وشهد جات ودختلهم شهد بفرحه : ماما العريس جه وانا دخلتهم الصالون ………..ايه ده ده امور اوى ……..يا بختك يا بت يا شيرى شريفه : عيب يا بت ………….انا هقوم ادخلهم وانتى نص ساعه كده وتعالى ماشى يا حبيبتى شرين : ماشى يا ماما ………………………………………………………………………. فالصالون عبد الرحمن وفريده وشريفه وفؤاد الكل قاعد يضحك ويتكلم وهشام قاعد ساكت وهو مش فاهم اى حاجه وشويه وتدخل شرين : السلام عليكم هشام يقوم يقف ويتنح وهو مش مصدق ان شرين هى العروسه عبد الرحمن وهو بيحاول يدارى صدمة ابنه : ايه ياهشام العروسه زى القمر دى ليك حق تقوم تقف وانت مبهور بيها كده هشام وهو بيحاول يفوق من صدمته : ايه ويبتسم ايتسامه وهو بيبص لشريفه وفؤاد ويقعد تانى مكانه فريده : ماشاء الله ……… زى القمر تعالى يا شرين اقعدى جانبى عبد الرحمن وهو بيبص لفؤاد : نتكلم بقى فالمهم ……….. انا عاوز اطلب ايد الانسه شرين لابنى هشام الحلقه الثانية عشر فالصالون عبد الرحمن وفريده وشريفه وفؤاد الكل قاعد يضحك ويتكلم عبد الرحمن وهو بيبص لفؤاد : نتكلم بقى فالمهم ……….. انا عاوز اطلب ايد الانسه شرين لابنى هشام فؤاد : وده شرف ليا ………انت متعرفشى انا مرتحلكم ازاى عبد الرحمن : الله يخليك …….وده احساسى برده ………بص بقى انا عاوز شرين بشنطة هدومها فؤاد : بس انا لازم اجهز بنتى واجبلها كل حاجه عبد الرحمن : اسمعنى بس ………هشام عنده الفيلا بتاعه وانا هجهزها من كل حاجه ………..وكمان وظيفة شرين عندى فالشركه شرين وهى بتبص لباباها : هو انا ممكن اقول حاجه عبد الرحمن : قولى يا عروسه اومرك مجابه فؤاد بيبصلها بابتسامه انها ممكن تتكلم وهشام بيبصلها عنده فضول هتقول ايه شرين : بعد اذن حضرتك ………انا مش عاوزه اعيش فالفيلا عبد الرحمن باستغراب: ليه لو مش عجباكى ممكن اشوفلك فيلا تانيه شرين : لا مش كده ………..انا عاوزه شقه صغيره عبد الرحمن : ليه حد يرفض الفيلا ويطلب شقه صغيره شرين : معلشى انا كده هبقى مرتاحه اكتر ……..انا مش هقدر على شغل الفيلا وكمان هبقى فالشغل الصبح عبد الرحمن وهو بيضحك : ومين قالك انك هتشتغلى فيها انا هجبلك شغاله شرين : لا معلشى محبش يكون فى حد غريب فى بيتى ……….. بعد اذن حضرتك توافق ………..ولا رايك ايه يا بابا فؤاد : انا اللى يهمنى راحتك يابنتى عبد الرحمن : خلاص مفيش مشكله ……….انا هشوفلك شقه صغيره وتكون قريبه من باباكى ومامتك كمان ……….اى حاجه تانيه شرين : لا شكرا عبد الرحمن : خلاص يا حج فؤاد اتفقنا فؤاد : على بركة الله اتفقنا عبد الرحمن : تمام يبقى نقراء الفاتحه والخطوبه الخميس اللى جاى والفرح وكتب الكتاب بعد شهر شريفه : بالسرعه دى عبد الرحمن : خير البر عاجله ………..ولا فى مشكله فؤاد : لا مفيش مشكله نقراء الفاتحه قراءو الفاتحه وهشام قاعد حاسس انه فدنيا تانيه مش مصدق ان كل الكلام ده يخصه وان اللى هيتجوز كمان شهر ده يبقى هو مكنشى عارف يضحك ولا يعيط ولا يقوم يزعق ويقول انا مش هتجوز كل اللى كان بيعمله انه ساكت وبيتفرج وابتسامه غبيه على شفايفه ……………………………………………………………………………….. بعد مانزلو من عند شرين كلهم فالعربيه فريده : مبروك يا هشام هشام ساكت ومش بيرد وبصص من الشباك وبعد شويه هشام : انا عاوز انزل اتمشى شويه عبد الرحمن : هتروح فين ؟؟ هشام بنرفزه : فى اى دهيه انا عاوز انزل عبد الرحمن ركن ع جنب ونزل هشام عبد الرحمن : هشام رجع هشام تانى لباباه : نعم عبد الرحمن : خلى الفلوس دى معاك ومتتاخرشى هشام خد الفوس وهو ساكت لانه فعلا مكنشى معاه ولا مليم ومشى مشى هشام وراح الكافيه اللى دايما بيقعد فيه كان عنده امل يلاقى كريم ويتكلم معاه لانه اقرب واحد ليه بس ملقاش حد دخل قاعد وهو سرحان وشويه فاق من سرحانه لقى نرمين قدامه نرمين : سرحان فايه كل ده هشام بدون وعى : انا خطبت نرمين بنرفزه : نعم انت بتستعبط بقالى شهر واكتر بدور عليك وقافل موبايلك ومش معبرنى وفالاخر تقولى خطبت هشام بنرفزه: بقولك ايه انا مش فايق للكلام بتاعك ده انا فيا اللى مكفينى نرمين وهى بتشد ناعم : طب خلاص اهدى احكيلى ايه اللى حصل وحكى هشام لنرمين كل حاجه نرمين بضيق: يعنى احنا نعمل فيها المقلب وتقلبه علينا ………. انت لازم ترفض الجوازه دى هشام : مش هينفع نرمين : يعنى ايه مش هينفع ……….انت البت عجباك ولا ايه …….الجوازه دى على جثتى هشام : خلاص ماشى انا هرفض الجواز وابويا يحرمنى من كل حاجه واترمى فالشارع هتبقى تصرفى عليا (هشام قالها كده عشان هو عارف ان نرمين بتجرى وراه عشان فلوسه ومن غير الفلوس ده ميلزمهاش ) نرمين : لا طبعا ………..انا قصدى ………خلاص بقى اتجوزها وخلاص هشام بنرفزه: انا كنت عارف انك هتقولى كده ……..ممكن بقى تخفى من وشى نرمين : ياهشام انا بحبــــــــــ هشام : اسكتى بقى مش عاوز اسمع صوتك انتى السبب فى كل ده مش عاوز اشوف وشك تانى وسابها هشام ومشى من الكافيه وهو على اخره ……………………………………………………………………………….. ويجى يوم الخميس عملو خطوبه عائليه جدا فى بيت شرين وهى برده اللى صممت ع كده مكنشى حاضر غير هشام وباباه ومامته واخوه وكريم صاحبه وطبعا شرين وباباها ومامتها واختها وليلى وعم شرين وخالتها وبس قعدو هيسو شويه وكل كان فرحان ومبسوط ماعدا العريس والعروسه وطبعا ليلى وكريم اللى عارفين كل حاجه عن الموضوع وعدى اليوم وبعد ما خلصو الخطوبه عبد الرحمن : فؤاد ياله بقى تعالو انا عزمكو ع العشا فؤاد : لا مش هقدر ان تعبت اوى انهارده عبد الرحمن : طب ينفع اخد البنات وهوصلهم لحد البيت فؤاد : مفيش مشكله شرين خلاص بقت بنتك عبد الرحمن : اكيد طبعا متقلقش مش هنتاخر …………………………………………………………………………. فى مطعم فخم جدا هشام وشرين وعبد الرحمن وفريده وشهد واحمد قاعدين بيتكلمو وبيتعشو شهد كانت عماله تتكلم وتهزر واحمد كمان والاب والام مبسوطين وشرين كل شويه ترد ع شهد او تضحك ضحكه مجامله وخلاص وهشام قاعد ساكت سرحان وبيلعب فى الطبق ومش بياكل عبد الرحمن : هشام ………هشام هشام بيفوق من سرحانه وهو بيبص لعبد الرحمن : ايوه عبد الرحمن : تعالى انت وشرين عاوزكم فى موضوع الحلقه الثالثة عشر فى مطعم فخم جدا هشام وشرين وعبد الرحمن وفريده وشهد واحمد قاعدين بيتكلمو وبيتعشو شهد كانت عماله تتكلم وتهزر واحمد كمان والاب والام مبسوطين وشرين كل شويه ترد ع شهد او تضحك ضحكه مجامله وخلاص وهشام قاعد ساكت سرحان وبيلعب فى الطبق ومش بياكل عبد الرحمن : هشام ………هشام هشام بيفوق من سرحانه وهو بيبص لعبد الرحمن : ايوه عبد الرحمن : تعالى انت وشرين عاوزكم فى موضوع مهم قام هشام وشرين وعبد الرحمن وقعدو على تربيزه تانيه عبد الرحمن : فى حاجات عاوزين نتفق عليها …….اولا كده انتم هتتجوزو لمدة سنه بس وفاى وقت لو شرين قالت انها عاوزه تنفصل انا هبقى معاها …….. انت هتشتغل فالشركه بمرتب 5000 جنيه بس هيبقى الوضع مختلف المره دى لو غبت من الشغل هيتخصم من مرتبك واى غلطه هتتحسب عليك يعنى هتتعامل كاى موظف فالشركه واعمل حسابك انك هتبقى مسؤل عن بيت ومصروف البيت وكل حاجه تطلبها شرين منك هتجبهلها وشرين هتشتغل فالشركه بمرتب 3000 جنيه بس مش هتصرف حاجه على البيت يعنى الفلوس دى بتاعها تتحكم فيها زى مهي عاوزه هشام بغيظ: اشمعنا بقى وانا هصرف عليها بتاع ايه عبد الرحمن : عشان انت الراجل ولا انت عندك رائى تانى هشام سكت ومعرفشى يرد عبد الرحمن : كل يوم هتوصلها معاك الشغل وطبعا هتستناها تروح معاك انت عارف لو عرفت انها روحت فيوم لوحدها هشام بنرفزه : هو انا هشتغل سواق عندها عبد الرحمن : اه اذا كان عجبك هشام وهو بيبص لشرين : انا مش عارف ايه الهم ده عبد الرحمن : اعمل حسابك انت وهى تتعاملو بطريقه كويسه قدام اهلها هم ميعرفوش اى حاجه مش عاوزنهم يخدو بلهم وتعاملهم باحترام انت فاهم ……..ولوشرين جات تشتكيلى منك فى يوم هتبقى ليلتك سوده هشام : يا سلام ……..وهى مين دى يعنى عشان تعمل فيا كل ده عشانها …….دى وحده استغلاليه وبتعمل كل ده عشان الفلوس شرين بغيظ : احترم نفسك ………ومين اصلا عمل كل ده من الاول هشام : استعبطى بقى ………….. ده انتى قلبتى اللعبه كلها لمصلحتك وانا اللى كنت فكرك طيبه عبد الرحمن : هشام لو اتكلمت تانى هتخلينى افقد اعصابى ……… اسكت احسنلك هشام : ادينى اتزفت وسكت عبد الرحمن وهو بيبص لشرين : معلشى يا شرين متزعليش ………عاوزه حاجه تانيه شرين : اه انا عندى شرط قبل كتب الكتاب هشام : اه طبعا اتشرطى ……..ما كلنا هنمشى بامرك بعد كده عبد الرحمن : شرط ايه قولى شرين : الجواز هيبقى على الورق بس هشام بعصبيه : ازاى يعنى وده من ايه شرين : مانا مش هينفع اتجوز اكتر واحد بكرهه فالدنيا هشام : ده على اساس انى بموت فيكى يعنى شرين : طب وايه اللى مضايق ……….كل واحد يعيش فحاله هشام : لا مش كل حاجه هتقوليها هتتنفذ ………..وده حقى وهخده شرين : ده على جثتى …………. معلشى يا عمو انا مش هوافق على كتب الكتاب الا بالشرط ده هشام : هو انتى بتتامرى على ايه …………. محسسانى ان مفيش زيك ……..ده انا البنات بيترمو ورايا ويتمنو يكلمونى شرين : ياسيدى انا وحشه واستغلاليه وزى الزفت هتموت عليه ليه بقى متوافق وخلاص هشام بتريقه : هموت عليكى انتى …. ليه يعنى على ايه يا حسره ………..ماشى انا موافق انا اصلا مش طايق اشوفك شرين : خلاص تمام ……….كل وحد يبقى فى حاله عبد الرحمن : وهو بيبصلهم ………..ارتحتو ممكن بقى تتهدو شويه شهد واحمد هيخدو بالهم ………ايه ده ده انتم تعصبو بلد وسابهم ومشى وشرين قامت وراه وراحت تقعد معاهم وهشام فضل قاعد وهو سرحان ومضايق ومش طايق شرين ولا حتى باباه ……………………………………………………………………………….. وفات اسبوع وعبد الرحمن لقى الشقه وعجبت شرين وكان كل يوم تنزل شرين وشريفه وشهد مع فريده وهشام عشان يجيبو العفش ويفرشو الشقه هشام كان بداء ياخد على شهد وشريفه وكان بيتكلم ويهزر مع شهد عادى بس يجى لحد شرين وهم الاتنين كانو بيتجاهلو بعض بس مكنوش بيحولو يبينو كده قدام شريفه وشهد وعدت الايام واتفرشت الشقه وكل حاجه بقت جاهزه وقبل الفرح بيوم كان الكل فرحان وزغريط وهيسه والاغانى شغاله عند شرين فالبيت وشرين قاعده فى اوضاتها مع ليلى شرين : ليلى انا خايفه اوى ……..انا عامله نفسى قويه ومش هاممنى حاجه بس كل مفتكر انى خلاص بكره هعيش مع اكتر واحد بكرهه فى حياتى بموت من الخوف ليلى : حسه بيكى يا شرين ……..بس كنتى هتعملى ايه شرين : ربنا يهدى الحال ……. وتعدى الفتره دى على خير ليلى وهى بتحضنها : امين يارب ليلى : ياله بقى قومى كده وقعدى بره مع الناس عشان محدش يقول انك متجوزه غصب عنك شرين بحزن : حاضر هقوم اهوه تانى يوم شرين طبعا من الصبح فالكوافير ومعاها شهد وليلى وخلصو وكانو مستنين هشام عشان يخدومهم بس الوقت عدى ومحدش جه شرين قاعده قلقانه وليلى وشهد بيهدوها ليلى : اكيد فى حاجه عطلته …………..زمانهم جاين شهد : طب متكلميه يا شرى شرين :: مش معايا نمرته شهد ياستغراب : بجد ازاى يعنى امال بتتكلمو ازاى الفتره اللى فاتت دى شرين عشان تدارى على ان مفيش اتصال بينهم : اصل هو غير رقمه امبارح ونسيت اخده منه شهد : طب وبعدين ………..ليكون حصل حاجه ليلى : بس يا شهد احنا بنطمنها ولا بتقلقها اكتر شهد : مش قصدى والله وبعد تفكير وحيره شهد: انا هكلم بابا وهو يكلم عمو عبد الرحمن الحلقه الرابعة عشر هشام قاعد فى اوضته لابس البدله وعمال يلف سجاير ويشرب وتقريبا كده كان ضارب كل حاجة ممكنه دخل عليه احمد وهو فرحان : ياله ياعريس العرووو………… احمد بخضه : ايه اللى انت بتشربه ده هشام بيضحك بشكل هستير : مفيش بظبط العريس احمد : انت اتجنينت…………..بابا لو شافك هتبقى ليله سوده احمد مسك موبيله واتصل بكريم بسرعه احمد : الو …….ايوه يا كريم انت فين ………..تحت ……..طب اطلع بسرعه انا فاوضة هشام ……..ياله بسرعه هتفهم لما تيجى مفيش دقايق وكان كريم فى الاوضه كريم : يانهار اسود ………….هو عمل ايه احمد: مش عارف هو شرب ايه ……..بس ده مش فى وعيه …هنعمل ايه كريم : لو راح الفرح بالمنظر ده هتبقى فضيحه قام احمد وكريم مسكو هشام وقلعوه جاكت البدله ودخلوه الحمام وحطو دماغه تحت الحنفيه هشام : بس بقى هضيعولى الدماغ كريم : اسكت انت بقى ………….. احمد روح خلى اى حد يعمله كوباية قهوه ورجع بعد شويه احمد بالقهوه وهشام فاق شويه كريم : احنا اتاخرنا اوى على شرين هشام : وايه المشكله احمد : ياله قوم عشان ننزل ورينا يستر وتعدى الليله دى على خير ………………………………………………………………………………. البنات فى الكوافير قلقانين من تاخير هشام ومحدش معاه نمرته عشان يطمن عليه شهد: انا هكلم بابا وهو يكلم عمو عبد الرحمن ولسه شهد بتتصل سمعت صوت عربيات وهيصه عرفت ان هشام جه وخرجت بسرعه عشان تطمن خرجت شهد شافت احمد : ايه يا احمد اتاخرتو كده ليه كنا قلقانين اوى احمد : طب ياله عشان التاخير شرين خلصت شهد : اه من بدرى وشويه وجه هشام وخرجت شرين وكانت قمروه اوى هشام اول ماشافها وبصوت عالى : الله هى العروسه الحلوه دى مراتى شرين بخوف مسكت ليلى : هو ماله شكله مش طبيعى ليلى : مش عارفه ………ربنا يستر هشام راح مسك ايدها وركبو العربيه والكل ركب العربيات وطلعو على القاعه الزفه عدت على خير وكريم واحمد واقفين جانب هشام عشان لو عمل اى حاجه وشرين كانت خايفه وطلبت من ليلى متسبهاش شويه وشرين وهشام قاعدين فالكوشه جم عليهم شوية بنات قرايب واصحاب هشام بس كانو افر اوى فى لبسهم كان عريان جدا واخدو عشان وبداؤ بقى الرقص وطبعا هشام مكنشى متوصى اصلا شرين فضلت قاعده مكانها وليلى قاعدت جانيها شرين بغيظ : شايف المناظر ليلى : وانتى متغاظه ليه ………..غيرانه شرين : غيرانه ايه بس وزفت ايه ………بس انا شكلى ايه دلوقتى ………انتى عاجبك تصرفاته انا حسه اصلا انه شارب حاجه ليلى : شارب …………شارب ايه يعنى شرين : مش عارفه ………..بس مش منظر واحد طبيعى ابدا …………..انا خايفه بابا وماما يخدو موقف من تصرفاتو دى كريم واحمد راحو لهشام احمد: اهدى بقى شويه مينفعشى اللى بتعمله ده هشام: بعمل ايه فرحى وفرحان وبرقص ايه المشكله كريم : مينفعشى كده ………..شرين شكلها مضايق ……….. واهلها كمان مضايقين من تصرفاتك احمد : ياله تعاله معايا اقعد جانب عروستك بقى وبلاش فضايح ………..خالى الليله تعدى على خير هشام مشى وقعد جانب شرين وهو مش طايق نفسه واحمد وكريم حاولو يخلصو الفرح بدرى بدرى قبل متحصل اى حاجه خلص الفرح والكل روح ووصلو العريس والعروسه على بيتهم …………………………………………………………………………….. شرين قاعده على الانتريه قلقانه وخايفه شويه ويقرب عليها هشام ويقعد جانبها هشام : تعرفى انك حلو اوى انهارده وبيقرب منها قامت شرين زقته وضرباه بالقلم هشام : انتى اتجنينتى شرين : لا انا بفوقك ……………لان واضح انك شارب حاجه هشام بتحدى : اه شارب …………..شارب كل حاجه ممكن تتخيلهيا ………….شارب عشان انسى اللى انا فيه ………..انتى ليه فوقتينى ليه متسبينى اعيش فعالم تانى وانسى كل القرف اللى انا فيه شرين : قرف ………. ومين السبب فالقرف ده ………مش انت ………..انت ليه عايش دور الضحيه شرين بداءت تعيط : انت دمرت حياتى بسبب لعبه وتسليه منك ………خلتنى اعيش حياه مكنتش اتمناها……….خلتنى انسانه حقيره ومستغله وبتجرى وراء الفلوس ………….انهارده كان يوم فرحى اليوم اللى بتحلم بيه اى بنت ……حلمى بالفستان الابيض والراجل اللى بحبه وهعيش معاه طول عمرى ضيعته منى …….خليت احلى يوم فحياتى اكتر يوم بكرهه وبكرهه نفسى فيه …. خليت حلمى كابوس …….وكل ده ليه … عشان لعبه ……….لعبه وانا اللى دفعت تمانها فوق بقى فوق انت المجرم مش الضحيه ..انت المجرم وسابته شرين ودخلت اوضه الاطفال وقفلت على نفسها الباب وهى منهاره من العياط وهشام فضل قاعد على الانتريه وهو سرحان فى كلام شرين لحد ما راح فالنوم ……………………………………………………………………………. تانى يوم تصحى شرين على صوت موبايلها وهو بيرن وتبص فالساعه تلاقى الساعه 5 العصر شرين بصوت نايم : السلام عليكم ….ايوه يا ماما ………اه كنت نايمه …….انا تمام كويسه ………….هشام اه كويس الحمد لله …… ماشى يا حبيتى تنورينى طبعا …………. ماشى سلام تقوم شرين تلاقى نفسها لسه بفستان الفرح وتبص فالمرايه تلاقى الميك اب مبهدل وشها من العياط طول الليل تطلع شرين من الاوضه تلاقى هشام نايم على الانتريه بالبدله زى ما هو الحلقه الخامسة عشر تانى يوم تصحى شرين على صوت موبايلها وهو بيرن وتبص فالساعه تلاقى الساعه 5 العصر شرين بصوت نايم : السلام عليكم ….ايوه يا ماما ………اه كنت نايمه …….انا تمام كويسه ………….هشام اه كويس الحمد لله …… ماشى يا حبيتى تنورينى طبعا …………. ماشى سلام تقوم شرين تلاقى نفسها لسه بفستان الفرح وتبص فالمرايه تلاقى الميك اب مبهدل وشها من العياط طول الليل تطلع شرين من الاوضه تلاقى هشام نايم على الانتريه بالبدله زى ما هو دخلت اخدت شور وغيرت هدومها وصلت وظبطت نفسها عشان مامتها لو جات وهشام برده لسه نايم قربت منه براحه شرين : انت ……..هشام ……….يا هشام هشام يقوم مفزوع من النوم : فى ايه ؟؟ شرين بخضه رجعت لواره : مفيش حاجه ………قوم غير هدومك عشان ماما هتيجى دلوقتى هشام بص فالساعه ودخل على اوضه وقفل على نفسه من غير مايتكلم وبعد نص ساعه كان الجرس بيرن شرين خبطت على هشام وخرج شرين : افتح الباب ………ومتنساش المفوض اننا اسعد ناس فالدنيا هشام راح فتح وعلى وشه ابتسامه عريضه : اهلا وسهلا شريفه : اهلا بيك يا حبيبى صباحيه مباركه هشام وهو بياخد شيل كتير من شريفه : الله يبارك فيكى ياطنط …………….شهد وعمو فين شرين خرجت سلمت على مامتها وحضنتها اوى شرين : وحشتينى اوى ياماما ….بابا وشهد فين شريفه : فى البيت ……..انا جيت بس عشان اجبلكم الاكل ده …..وهروح على طول شرين : لا والنبى يا ماما اقعدى معايا شويه شريفه : مش هينفع ورايا حاجات هعملها ………….هجيلك تانى بليل مع بابا وشهد هشام : طب خليكى معانا لبليل وشهد وعمو يبجو براحتهم شريفه : صدقنى يا هشام مش هينفع ………….. انا همشى بقى ……….وبالهنا والشفا مشت شريفه وشرين اخدت الاكل وجهزته وحطت على السفره وهشام كان بيتفرج على التلفزيون شرين : الاكل جاهز…….انا فالاوضه لو احتاجت حاجه هشام باستغراب : مش هتاكلى ؟؟ شرين : لا مليش نفس وسابته ودخلت اوضة الاطفال وهشام قام كل معلقتين وقعد يقلب فالاكل شويه وقام هو كمان دخل اوضته …………………………………………………………………………… بليل عند العرسان كان الكل متجمع عبد الرحمن وفؤاد وشريفه وفؤاد قاعدين فالصالون وعمالين يتكلمو ويضحكو وباين علهم الفرحه والانبساط وفالناحيه التانيه كانت شرين وشهد واحمد وهشام قاعدين وطبعا شهد بشقوتها عماله تضحك وتهزر وبرده كانو مبسوطين وشويه وسرحت شرين كانت مبسوطه من الفرحه اللى اهلها فيها ودى كانت اكتر حاجه مصبرها على اللى هيا فيه وقاعدت تتخيل لو هشام ده فعلا حد بتحبه ومفيش كل المشاكل دى والاهل كده بيحبو بعض اكيد كانت هتبقى اسعد وحده فالدنيا وتفوق وهى مخضوه من زغزغه لشهد شهد : ايه يا عروسه سرحانه فايه شرين : انتى مش هتبطلى غلاسه بقى شهد : لا طبعا مش هبطل ……انتى فاكره انك بقى اتجوزتى وجد ومش هعرف ازغزغك تانى …….لا انسى ……… ولا ايه يا هشام هشام : براحتك يا شهد اختك وانتى حره فيها شهد : اخدت كده انا الاذن وبداءت شهد تزغزغ شرين وشرين تضحك اوى هشام كان اول مره يشوف شرين بتضحك بجد من قلبها وكان مبسوط وكان الكل مبسوط وبعد شويه والكل روح وشرين دخلت اوضتها وقفلت على نفسها وهشام كمان ……………………………………………………………………………….. ويعدى كام يوم على نفس الوضع طول معندهم ناس او حد من اهلهم بيبقو مبسوطين ويضحكو ويهزرو وهم لوحدهم كل واحد واخد جانب وقاعد فى او ضته وفى يوم شرين كانت زهقانه اوى قامت كلمت ليلى شرين : لو لو حبيبتى وحشتينى اوى ليلى : وانتى كمان ……اخبارك ايه شرين : الحمد لله …….انتى فين مشوفتكيش من يوم الفرح ليلى : اصلى سافرت اليكس تانى يوم مع بابا وماما ……. انا كنت ماجله السفر عشان الفرح شرين بزعل : يعنى مش هينفع تجيلى انا زهقانه اوى ليلى : معلشى بقى اول لما ارجع هجيلك على طول ……..المهم اخبارك ايه مع هشام شرين : عادى كل واحد فى حاله ليلى : ربنا معاكى يا قمر …… انا هقفل بقى دلوقتى عشان نزله شرين : ماشى يا لولو خلى بالك من نفسك …….سلام ليلى : سلام شرين قاعده مضايقه ومش عارفه تعمل ايه مسك موبايلها تانى وكلمت شهد شرين : شهود حبيبتى اخبارك ايه شهد : شرى انا تمام ……انتى عامله ايه شرين : زهقانه اوى تعالى اقعدى معايا شويه شهد : وانا كمان زهقانه ………بس هو هشام فين شرين بارتباك : هشام ….هشام نايم ……..تعالى بقى خليكى جدعه شهد : خلاص هقول لماما وهاجى مسافة السكه شرين : اوكى يا حبيبتى ……..سلام شهد : سلام وفعلا بعد نص ساعه كانت شهد عند شرين قاعدو يتكلمو ويهزرو مع بعض زى العاده شرين وهى بتضحك : بطلى بقى زغزغه …….زوالله لو ماسكتى هرش عليكى مايه شهد : متقدرش شرين : بقى كده طب اهوه شرين رشت على شهد مايه غرقتها وهى كمان رشت عليها مايه وفضلو يجرو وراء بعض هشام فاوضه سمع صوت جرى وتخبيط وصوت عالى فالصاله طلع جرى وهو مخضوض هشام وقف يبص عليهم وهم عمالين يهزرو ويجرو وراء بعض زى المجانين وهم مش وخدين بالهم من هشام وفجاءه ……………

مقالات ذات صلة

تنزلي

7 طرق مجربة للتخلص من النفخة والبراز المتحجر.

عماد

حماتي

مراته

عربيته

اترك تعليقاً إلغاء الرد