زوجي عايز
الجملة نزلت عليا كأن حد ض,,ربني على راسي.
حسيت إن وداني بتصفر… وقلبي بيدق بسرعة غريبة.
لفيت بصيت لأحمد… كنت مستنية منه يضحك، أو يقول إن الكلام ده مستحيل.
لكن اللي شفته في عينيه خلاني أتجمد مكاني.
ما كانش متفاجئ.
كان ساكت… وبيفكر.
—
قلت بصوت مهزوز:
“إيه الكلام ده؟”
أم أحمد قالت وكأن الموضوع عادي جدًا:
“دي سلفتك… مش واحدة غريبة. والعيال لازم يتربوا وسط أهلهم.”
أنا بصيت لأحمد تاني وقلت:
“وأنت ساكت ليه؟”
سكت شوية… وبعدين قال بهدوء غريب:
“الموضوع محتاج تفكير.”
الكلمة دي جرحتني أكتر من أي حاجة.
قلت وأنا حاسة بدموعي هتنزل:
“تفكير؟ يعني ممكن تعملها فعلًا؟”
حكايات رومانى مكرم
قال وهو بيتجنب عيني:
“يا ليلى… العيال مالهمش ذنب.”
رديت بسرعة:
“وأنا؟ أنا ماليش ذنب؟”
الجو اتوتر فجأة.
أمه قالت بعصبية:
“إنتي بتفكري في نفسك بس! الأطفال يتامى!”
قلت وأنا قلبي بيتكسر:
“وأنا مراته… مش من حقي حتى يتاخد رأيي؟!”
لكن اللي صدمني بجد… مش كلام أمه.
اللي صدمني كان أحمد.
لأنه فجأة قال جملة خلت الدنيا تلف بيا.
قال:
“أنا أصلًا… بدأت أفكر في الموضوع من فترة.”
سكت المكان كله.
حتى سارة رفعت رأسها فجأة وبصت له بصدمة.
وأنا حسيت إن الأرض بتتسحب من تحت رجلي.
قلت بصوت واطي:
“من… من فترة؟”
قال:
“أيوه… علشان العيال.”
لكن قلبي كان بيقول إن في حاجة تانية.
في اللحظة دي… لأول مرة من يوم ما اتجوزنا، حسيت إن الراجل اللي قدامي… مش نفس الراجل اللي حارب الدنيا علشاني.
—
رجعنا البيت في صمت.
طول الطريق ما حدش فينا اتكلم.
وأول ما دخلنا الشقة… واجهته مباشرة.
قلت:
“إنت فعلًا ناوي تتجوزها؟”
قال وهو بيخلع الجاكيت:
“لسه ما قررتش.”
قلت بمرارة:
“بس واضح إنك متحمس للفكرة.”
سكت لحظة… وبعدين قال:
“دي مسئولية يا ليلى.”
صرخت:
“المسئولية مش جواز!”
سكت… لكن ملامحه كانت متوترة.
وقبل ما أدخل الأوضة… قلت له جملة خرجت مني من غير تفكير:
“لو اتجوزتها… يبقى أنا بالنسبة لك إيه؟”
لكنه ما ردش.
—
في الليلة دي ما نمتش.
كنت قاعدة أبص للسقف وأفتكر أيامنا… كلامه… ووعوده.
هل كل ده ممكن يختفي ببساطة؟
ولا أنا بس اللي كنت عايشة في وهم؟
لكن اللي ما كنتش أعرفه…
إن الصدمة الحقيقية لسه ما جاتش.
لأن بعد يومين بس…
اكتشفت صدفة حاجة عن أحمد وسارة…
خلت الشك يدخل قلبي لأول مرة.
حاجة خلتني أسأل نفسي سؤال مرعب:
