الدكتوره
تعبت أم رندا من الجدال معها وقالت : وهى عشان من الصعيد لازم تلبس جلبيه ورابطه راسها بالطرحه ؟!
الصعيد دلوقت أتقدم عن الاول ، دلوقت بيعلموا البنات ويدخلوهم جامعات مش زى ما كنا بنسمع عنهم ، وحدى الله يابنتى وادعى أن ربنا
يعوض عليكى بابن الحلال
نفت راندا برأسها وقالت بحزن : مينفعش ياماما أكون لحد غيره انا بحبه
دخل سليم بعد ان احضر الادويه والمحاليل التى دونتها راندا فاخذتها منه وقامت بتجهيزها وهى تقول : هتاخد المحلول ده والصبح هتبقى كويسه
دخلت الغرفه معه وقامت بتركيب المحلول بمساعدته
وبعد الانتهاء انتبهت راندا للسرير الاخر فى الغرفه
فقالت بمكر : غريبه آوى الاوضه دى تحسه برده آوى أكيد نامت فيها عشان كده بردت
علم سليم بمكرها فلم تخفى عليه نظراتها العاشقه له فرد ببرود : أكيد لأ ، كانت نايمه فى اوضتنا بس لما تعبت خافت عليا وعشان كده فضلت انها تنام هنا
ازداد حنقها عليها واكتفت بأيماءه بسيطه من رأسها وخرجت من الغرفه بعد ان شرحت له كيفية اخذ الدواء وأخذت والدتها وخرجت
عاد سليم إليها بعد.ان أغلق الباب فوجدها راقده بلا حراك فظل بجانبها حتى انتهاء المحلول وقام بنزعه من ذراعها وحمد ربه عندما وجدا حرارتها قد انخفضت
فذهب الى الفراش المقابل لفراشها واستلقى عليه
*********************
ساعات قليله وأشرقت شمس الصباح تنير الارض بضياؤها ونسمه هادئه تلفح وجهها وهى تفتح النافذه مرحبه بتلك النسمات البارده
فتح سليم عينيه ملقياً نظره على فراشها منتفضاً من رقدته عندما لم يجدها فى فراشها باحثاً عنها بعينيه حتى وجدها واقفه فى الشرفه
فأسرع إليها جاذباً إياها من ذراعها يمنعها من الوقوف أمام النافذه لكنه تركها عندما شعر بأنتفاضتها من لمسها فتركها معاتباً إياها قائلاً : أيه وقفك كده ؟ احنا مصدقنا إنك اتحسنتِ
وضعت يدها مكان ملمس يده لذراعها فهى حتى الان مازالت تنتفض عندما تشعر بملامسة احداً لها
وقالت بأسف وهى تهرب بعينيها منه : أنا أسفه إن كنت صحيتك من النوم بس خفت عليك من جو الاوضه فعشان كده فتحت البلكونه عشان أهوى الاوضه
مد يده ليغلق باب النافذه قائلاً بمرح: انتى شكلك كده عايزه تعيدى اللى حصل تانى ( ثم التفت اليها بعد اغلاقها ) وبصراحه بقى أنا هموت ونام
ابتسمت له ابتسامه لم تصل لعينيها وقالت : خلاص أفطر الاول وبعدين نام براحتك
